Göy üzündə ay dolanır
Yerdə gülür gül-çiçək,
Görən haçan bir də yarım
Qapımızdan keçəcək?
Küsüb gedib yarım mənim
Yollar batdı dumana,
Axı niyə öz eşqimi
Düz demədim mən ona?
Göydəki o tənha ulduz
Sanki məni andırır.
Düşündükcə hicran odu
Ürəyimi yandırır.
Bəlkə indi qəm içində
Baxır o da yollara,
Axı niyə öz eşqimi
Düz demədim mən yara?
Baxacaqmı görən gəlib
Pəncərəmə bir də yar?
Ürəyimi saldı mənim
Bir sağalmaz dərdə yar.
Göy üzündə ay dolanır
Yerdə gülür gül-çiçək,
Görən haçan bir də yarım
Qapımızdan keçəcək?
![](https://s2.save4k.ru/pic/saGWGhf0JuQ/maxresdefault.jpg)