Դասի նպատակը․ «Աղուէս» ծրագրավորման միջավայրում ստեղծել խաղ՝ ծանոթանալով և օգտագործելով միջավայրի բոլոր հրահանգները:
Խաղը բաղկացած է բազմաթիվ կերպարներից` գնդակից, թիակից, աղյուսներից: Այս կերպարներից յուրաքանչյուրի համար պետք է գրել հրահանգներ, որոնք կապահովեն կերպարների գործողությունները:
Առաջին կերպարը, որի համար կգրենք հրահանգներ գնդակն է: Գնդակը բեմի կենտրոնից շարժվում է ներքև դեպի թիակը, հարվածելով թիակին արտաբերում է ձայն, որից հետո փոխում է իր շարժման ուղղությունը, որը պետք է փոքր լինի 180 աստիճանից: Ամեն անգամ հարվածելով թիակին գնդակը տեղափոխվում է 7 քայլ, որից հետո միայն փոխում է շարժման ուղղությունը: 7 քայլի տեղափոխությունը անհրաժեշտ է նրա համար, որպեսզի գնդակը մինչև ուղղություն ստանալը մի քանի անգամ չհարվածի թիակին: Թիակին հպվելով գնդակը շրջվում է 15-ից -15 միջակայքում գտնվող որևէ արժեքին համապատասխան և միայն դրանից հետո ձեռք է բերում որոշակի ուղղություն, որն ամեն ամգամ տարբեր է լինում, քանի որ ընտրվում է պատահական թիվ 15-ից -15 միջակայքից: Այն դեպքում, երբ թիակը չի կարողանում հարվածել գնդակին, գնդակը հայտնվելով բեմի ներքևում, որն ընդհանուր ֆոնից տարանջատված է որևէ գույնով, դադարեցնում է խաղը: Խաղի ընթացքում, երբ գնդակը հպվում է բեմի եզրերին, հրվում է 7 քայլ դեպի բեմի կենտրոն, որպեսզի տեսանելի մնա բեմում:
Հաջորդը թիակն է: Անհրաժեշտ է, որ թիակը շարժվի բեմի ամողջ երկարությամբ աջ և ձախ ուղղություններով, իսկ երբ մոտենա բեմի եզրին, հրվի: Թիակի շարժն աջ և ձախ կառավարում ենք աջ և ձախ սլաքների միջոցով, իսկ որպեսզի թիակը շարժվի բեմի ողջ երկարությամբ, պետք է նրան տալ ուղղության 90 և -90 արժեքներ՝ համապատասխանաբար աջ և ձախ ուղղությունների համար:
Աղյուսներ․ Աղյուսներից յուրաքանչյուրի համար գրվում են առանձին հրահանգներ: Առաջին քայլում նշվում է աղյուսի կոորդինատները, որպեսզի ամեն անգամ խաղը սկսելիս աղյուսները գտնվեն բեմի համապատասխան կետում և մնան տեսանելի այնքան, քանի դեռ գնդակը չի հպվել աղյուսին:
Այնուհետև գնդակի և աղյուսներից յուրաքանչյուրի հրահանգների դաշտում գրվում են հրահանգներ, որոնց միջոցով, երբ գնդակը հպվում է համապատասխան աղյուսին, աղյուսն անհետանում է: Դրա համար գնդակի հրահանգների դաշտում գրում ենք հրահանգներ, որոնց միջոցով, երբ գնդակը հպվում է օրինակ աղյուս 15-ին ստանում է ուղղություն, որը փոքր է 180 աստիճանից, այնուհետև շրջվում է պատահական աստիճանով, որը գտնվում է 50-ից -50 միջակայքում և հաղորդում է որևէ անուն կամ թիվ օրինակ 15 : Համապատասխան աղյուսը, ստանալով գնդակի հաղորդած անունը կամ թիվը (օրինակ 15), կատարում է իրեն հաջորդող հրահանգները, այն է՝ թաքցնել: Նույն կերպ գրվում են հրահանգներ բոլոր աղյուսների համար, փոխվում է միայն գնդակի կողմից հաղորդվող անունը կամ թիվը, որը պետք է ստանա համապատասխան աղյուսը: Արդյունքում, երբ գնդակը դիպչում է աղյուսներին, դրանք անհետանում են:
Ещё видео!