Forca paqeruajtëse e NATO-os në Kosovë, bëri të ditur se më 27 shtator do të zhvillohet një stërvitje me emrin e koduar “Shpata e Artë” në një zonë stërvitore në kampin e Novosellës, në komunën e Vushtrisë në Kosovë. Vendi ku do të zhvillohet stërvitja, është pranë Mitrovicës. Në një njoftim për media, KFOR-i tha se në stërvitje do të përfshihet edhe misioni i Bashkimit Evropian për Sundimin e Ligjit EULEX. “Stërvitja do të vendoset në një kontekst të operacionit të reagimit emergjent, ku personeli i KFOR-it do të vazhdojë të veprojë në koordinim të ngushtë me Policinë e Kosovës dhe misionin EULEX-it”.
Stërvitja e KFOR-it, është pjesë e planeve të publikuara në fillim të këtij muaji nga misioni i NATO-s në Kosovë, që parashikonte manovra rutinë nga 27 shtatori deri më 2 nëntor, me një prej njësive rezervë të tij, dhe kjo automatikisht do të çojë në një rritje të përkohshme të numrit të trupave të NATO-os në terren. Këto stërvitje që po përfshijnë edhe njësitë rezervë të NATO-s, do të zhvillohen vetëm një muaj para afatit të vendosur nga qeveria e Kosovës për ndalimin e qarkullimit të veturave me targa të qyteteve të Serbisë të lëshuara nga autoritetet e Serbisë për serbët e veriut të Kosovës. Sipas krerëve të forcat paqeruajtëse të NATO-s në Kosovë, situata aktualisht në veri është e qetë, por e brishtë. Ndaj KFOR-i nuk përjashton mundësinë e tensioneve të reja, kur të skadojë afati i regjistrimit të makinave të serbëve deri më 31 tetor. “Ne jemi vigjilentë dhe të gatshëm për të vepruar, nëse do të kemi rritje të tensioneve, por edhe mund të rrisim numrin e forcave rezerve dhe këtë vendim mund ta marrim brenda një kohe të shkurtër”, ka thënë zëvendëskomandanti i KFOR-it, Luca Piperni më herët. NATO në kuadër të forcës paqeruajtëse KFOR, aktualisht ka rreth 3,700 trupa në Kosovë. 10 ditë më parë ka mbërritur ndërkohë në Kosovë një kontigjent nga britania, që do të përfshihet gjithashtu në stërvitjet që kanë si qëllim ruajtjen e “ një shkalle të lartë gatishmërie, mbajtjen e një mjedisi të sigurt dhe garantimin e lirisë së lëvizjes për të gjithë njerëzit në kosovë”
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#NATO#Kosove#TopNews
![](https://i.ytimg.com/vi/sfl0ngvLGGI/maxresdefault.jpg)