Lajme Arkiva - TV Klan 2002
Votimi për zgjedhjet vendore në Kosovë, filloi sot në orën 7 të mëngjesit, me pjesëmarrjen e elektoratit serb, që OKB dëshiron të jetë e gjerë, për të siguruar karakterin multietnik të vendit. Gjithsej 1.3 milion njerëz, 120 mijë prej tyre jashtë Kosovës, do të duhet të zgjedhin midis 68 grupimeve politike në 30 qarqe, gjatë këtyre zgjedhjeve, të organizuar nga Organizata për Sigurimin dhe Bashkëpunimin në Europë, OSBE.
Ndërkohë këto zgjedhje do të tregojnë forcën aktuale, të partive rivale të drejtuara nga veterani pacifist presidenti Ibrahim Rugova dhe Hashim Thaçi, ish-shefi i UÇK-së, që luftoi kundër serbëve. Për herë të parë që prej përfundimit të luftës, midis serbëve dhe shqiptarëve në vitin 1999, komuniteti serb do të marrë pjesë në zgjedhjet lokale, një lehtësim i madh ky për OKB, që administron Kosovën, që prej tërheqjes së forcave jugosllave në Qershor të vitit 1999.
Që prej këtij viti, më shumë se 200 mijë serb janë larguar nga Kosova, për t’u strehuar në Serbi dhe në Mal të Zi. Vetëm disa qindra prej tyre kanë arritur të kthehen në Kosovë, nën kujdesin e komisariatit të lartë të refugjatëve UNHCR. Afro 80 mijë jetojnë në enklava të mbrojtura fortë nga trupat e forcës shumëkombëshe të paqes së NATO-s KFOR.
Ndërkohë është shënuar edhe incidenti i parë në vendvotimin në fshatin Barilev të Prishtinës, pasi policia e UMNIK-ut ka hequr flamurin kombëtar të shqiptarëve nga vendvotimi në këtë fshat ka ndodhur incidenti i parë i cili ka pasuar me mbylljen e vendvotimit. Gjithashtu edhe në vendvotimin ne shkolën “Zejnel Hajdini”, në Prishtinë është shënuar një parregullsi./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
