Via Yerkir-Media:
ՙՍպասեք, մի անակնկալ կլինի՚,- լրագրողներին խոստացավ ՀՀՇ վարչության նախագահ Արարարտ Զուրաբյանը: Անակնկալը հանրապետության առաջին նախագահ Լեւոն Տեր-Պետրոսյանի ելույթն էր: 10-ամյա լռությունից հետո նա հակիրճ վերլուծեց երկրի իրավիճակը` թվելով խնդիրները:

ՙԿոռուպցիոն համակարգի վերացում, Ղարաբաղի հարցի լուծում, շրջափակումների վերացում, հարեւանների հետ նորմալ, բարիդրացիական հարաբերությունների հաստատում, եւ ամենակարեւորը իրենց ցանկությամբ: Պետք է հասցնենք ժողովրդին, որ իր ձայնը վաճառելով 20-50 դոլարով, այդ մարդուց իշխանությունները կորզում են իրենց երեխաների ապագան, կորզում են այս երկրի բախտը՚ հայտարարեց Լեւոն Տեր Պետրոսյանը։

Վիճակը, սակայն, անհուսալի չէ: Թեպետ առաջին նախագահը խոստովանեց, որ կարեւորագույն խնդրի լուծման տարբերակը չունի:

ՙԴա Ղարաբաղն է, վերջին տարիների ընթացքում մեր երկրի իշխանությունները հասել են անհուիսալի իրավիճակի: Ես չգիտեմ ինչ ճանապարհով կարլի է դուրս գալ այս վիճակից՚։

Լեւոն Տեր-Պետրոսյանի գնահատմամբ, երկրում կա ճգնաժամ, որը չի երեւում ու շատ ավելի վտանգավոր է: Իսկ դրանից դուրս գալու ելքը առաջին նախագահը գիտի:

ՙԱյս իշխանություններից ազատվելու միակ ճանապարհը առկա բոլոր քաղաքական ուժերի, բոլոր առողջ, հասարակական, մտավոր, հոգեւոր ուժերի համախմբումն է մեկ միասնական թեկնածուի շուրջ՚ հայտարարեց Տեր Պետրոսյանը։

Եթե լինի մեկը, ով կհավակնի հանդես գալ, որպես միասնական թեկնածու, Լեւոն Տեր-Պետրոսյանը պատրաստ է կանգնել նրա կողքին, ինքն անձամբ դեռ չի որոշել` մասնակցելու է ասռաջիկա ընտրությւուններին թե ոչ:

ՙԵս դեռ ուսումնասիրում եմ, ես դեռ կշռում եմ, ես դեռ քննում եմ: Իմ մոտեցումը զուտ քաղաքական էր, ես չեմ կարող առաջնորդվել էմոցիաներով, արկածախնդրությունը խորթ է իմ խառնվածքին: Մինչեւ ես չիմանամ իմ կատարելիք քայլերի արդյունավետությունը, ես քայլ չեմ անի՚։

свернуть