Munting Panalangin
Salamat sa'yo o Panginoon ko
Sa lahat ng nangyari, sa araw na ito
Lungkot man o ligaya,
Sa sakit at ginhawa
Sa bawat oras ay kasama kita.
Dalangin ko sana'y iyong pakinggan
Mula sa pagtulog ako'y bantayan
At sa aking paggising lagi kong iisipin
Ikaw ang lagi kong kapiling..
Kasama sa aking munting panalangin
Na sana kami'y lagi mong mahalin
At sa bawat sala'y iyong patawarin
Buhay nami'y iyong pagpalain
Ang pag-aaway sana'y iyong itigil
Galitsa bawat puso'y mapigil
Ituro mo sa amin ang tamang landasin
Munti kong panalangin
Ay iyong dinggin,
Munti kong panalangin
Dinggin...
