Әл-Фараби атындағы Қазақ ұлттық университеті биыл оқуға түскен жастарды студенттер қатарына қабылдады. Ашық аспан астында өткен дәстүрлі мерекеге Алматы қаласының әкімі Ерболат Досаев, белгілі ғалымдар, жазушылар, қазақстандық эстрада жұлдыздары қатысты. Салтанатты кешке қатысқан студенттер Әлемдік рейтингтегі көшбасшы оқу орындарының қатарына кіретін университеттің жетістіктерімен танысты.
Дәстүрлі мереке бірінші курс студенттері шеруінен басталды. Кейін, салтанатты шараға жиналған 5 мың адам Әнұранды жанды дауыста орындады. Кешке Алматы қаласының әкімі Ерболат Досаев, белгілі ғалымдар, жазушылар, қазақстандық эстрада жұлдыздары қатысты. Алғаш болып құттықтау сөз алған Әл-Фараби атындағы ҚазҰУ-дың Басқарма Төрағасы - Ректоры Жансейіт Түймебаев жастарды өмірдегі айтулы күнмен құттықтады. 5 мыңға жуық адам қатысқан ашық аспан астындағы мереке жастардың көңілінен шықты.
Университетте 25 мыңға жуық студент оқиды, олардың 2,5 мыңға жуығы - әлемнің 50 елінен келген шетелдік жастар. Жаңа оқу жылында ҚазҰУ-ға 7 600-ден аса студент қабылданды. Жаңа белесті бағындыруды мақсат еткен студенттер жоғары оқу орнының жетістіктерімен жіті танысты.
ХАЙДАР ТАСЫБЕКОВ, Әл-Фараби атындағы ҚазҰУ Ғылыми-инновациялық қызмет жөніндегі проректоры:
– Жастар айтып жатыр: «Біз Жаңа Қазақстан, Әділетті Қазақстанның болашағы үшін әрқайсымыз бір елдің баласындай болдық». Бірі болайық, ірі болайық деген ұранмен осындай жұмыстарды жасап жатырмыз.
Өнер жұлдыздарының әуелете шырқаған әні әрлеген студенттерді қабылдау кешінде отшашу атылып, соңы жастардың би кешіне ұласты.
Азамат Қабетов, Владислав Шишко
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
