Кәсіп бастау қиын емес. Егер көзін тапсаңыз. Ал, идеяңыз бар, қаржыңыз жоқ болса, онда алдымен сізге көмек берер орын «Ауыл шаруашылығын қаржылай қолдау қоры» деп аталады.
Қордан
- Мал шаруашылығы
- Өсімдік шаруашылығы
- Кәсіпкерлікті дамыту
- Ауылшаруашылығы өнімдерін қайта өңдеу мен сақтау мақсаттары бойынша ШАҒЫН НЕСИЕ алуға болады.

«Еңбек» бағдарламасы аясындағы несие өтінімін онлайн тапсыруға болады. Ол үшін www.online.fagri.kz сайтына электрондық қолтаңба арқылы тіркеліп, жүйеге кірү қажет. Сосын белгіленген форманы толтырып, өзініздін таңдаған бағдарлама бойынша несиелеуге өтінім жібере бересіз. Бар-жоғы 15 минутта сіздің өтініміңіз алдын-ала мақұлданады. Одан соң тек статусыңызды қадағалап, шешімнің шығуын күтесіз.

Енді негізгі талаптарына мән беріңіз. Сіздің салық және бюджетке төленетін басқа да міндетті төлемдер бойынша және банктер мен қаржы институттары алдында да мерзімі өткен берешегіңіз мерзімі өткен берешегіңіз болмауы тиіс. Кепілдігіңіз болуы керек. Бизнес-жоспар әзірлеу қажет.

Несие тарихыңыздың жақсы болғаны абзал. Бизнесті енді бастағалы жатқан тұлғалар үшін «Бастау Бизнес» жобасы аясында бизнес жобаны қорғағаныңыз не соңғы 3 жылда кәсіпкерлік негізін оқығаныңыз жайлы сертификатыңыз болуы қажет.

Жылдық сыйақы үстемесі 6%. Жылдық тиімді сыйақы мөлшерлемесі 6,7 проценттен аспайды. Ал, көпбалалы және аз қамтылған отбасы мүшелері үшін жылдық үстеме 4, тиімді сыйақы мөлшерлемесі жылына 4,7 проценттен аспайды. Несиенің мерзімі – 3, 5 және 6,5 жылға дейін. Енді ең маңызды мәлімет: несие сомасы 30 миллион теңгеге дейін. Несие сомасы мақсатты бағытталуына байланысты – 4, 6, 12 млн теңгеге дейін.

Несие алудың негізгі шарты: мүлікті кепілдікке қою. Ол үй, техника, жер телімі болуы мүмкін. Берілетін несие мөлшері сол кепілдіктің 70 процентіне тең болу қажет. Ең бастысы, 3 жылдан астам жұмыс істеп тұрған кәсіпкерлер кемінде бір жұмыс орнын ашуы тиіс. Ал, егер несиеге қатысты көкейдегі сауал әлі де көп болса, онда 14 өңір мен 3 қалада сіздерге «Ауыл шаруашылығын қаржылай қолдау қоры» филиалдарының мамандары кеңес беруге дайын.

свернуть