#droge #dea #shqiperi
Rritja e rasteve të trafikimit të lëndëve narkotike nga vendet e Amerikës Latine drejt vendit tonë ka bërë që Agjencia e Shteteve të bashkuara të Amerikës të njohur ndryshe si DEA të hapin një filial të ri në Tiranë. Nëpërmjet një postimi, ambasada e SHBA-së njofton krijimin e linjës së re, me qëllim për ta çuar në një tjetër nivel bashkëpunimin me Shqipërinë në luftën kundër narkotikëve. DEA nxit këdo që ka informacion në lidhje me trafikun e drogës ose pastrimin e të ardhurave nga droga të ndajë informacion me personelin.
Mënyrat e kontaktit me specialistët e DEA-s do të jenë nëpërmjet numrit të telefonit në Whats App ose me E-mail. Ambasada rikujton se Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to për një të ardhme më të mirë për të gjithë shqiptarët. Të gjithë denoncimet apo informacionet që do dërgohen nga qytetarët shqiptarë do të mbahen të fshehta.
Trafiku i drogës dhe pastrimi i parave prej vitesh mbeten sfidë e vështirë për Shqipërinë. Vetëm vitin e shkuar u sekuestruan nga autoritetet 579 kilogramë kokainë, pjesa më e madhe e ardhur nga Amerika Latine, nëpërmjet pikave kufitare detare dhe tokësore.
Ndërsa për sa i përket pastrimit të parave, nga policia gjatë vitit të shkuar janë kryer 519 referime në prokurori dhe janë sekuestruar mbi 43 milionë euro pasuri të dyshuara që janë përfituar nga aktiviteti kriminal.
Rasti më i fundit që DEA ndihmoi autoritetet shqiptare për të goditur një linjë të trafikut të kokainës nga Ekuadori në Shqipëri, ishte në Nëntor të vitit të shkuar. Në Frakull të Fierit u sekuestruan 485 kg kokainë e fshehur brenda 400 thasëve me pleh organik.
Të dhëna për vitin 2022:
43,856,112
519 referime në prokurori
579 kg kokainë të sekuestruara
Mënyrat e kontaktit me DEA-n:
Numri i telefonit në Whats app: +1 571 502-7846
E-mail: albania_DEA_tipline@state.gov
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
![](https://i.ytimg.com/vi/tC-Q8RDEMbU/maxresdefault.jpg)