«Իմ կապու՜յտ, կապու՜յտ երազ» բանաստեղծությունների ժողովածու
Հեղինակ` Սոսի Խանիկյան

~~~~~~~~~~~~~~~~~

Մարիա՛մ, ցո՛ւյց տուր ճամփան սիրո,
Չէ՞ որ, ես դուստրն եմ քո,
Մեղավո՛ր, բայց դուստրը քո,
Ու ես ունեմ կարի՛ք սիրո։

Գուցե սերն այս հոգի՛ս մաքրի,
Դառնա անբիծ, լույսով ապրի,
Ա՜խ, այս սերն ինձ կփրկի,
Ինչպե՛ս աղոթք մի հին երգի։

Երազներս մնացել են կիսատ,
Ունե՛մ ես հույս, ունե՛մ հավատ,
Չունե՛մ ես սեր, միայն սեր,
Որով հոգի՛ս, սի՛րտս կապրեր։

Տո՛ւր ինձ, Մարիա՛մ, սեր իսկական,
Սեր ոգեղե՜ն, աննյութական,
Գտնեմ մեկին՝ ինձ հարազատ,
Որ միանան սե՛ր, հո՛ւյս, հավա՛տ։

Ա՜խ, դո՛ւ՝ ինքդ, սե՛ր ես, Մարիա՛մ,
Մի՛ թող առանց սիրո՛ մնամ,
Չէ՞ որ, ես դուստրն եմ քո,
Մեղավո՛ր, բայց դուստրը քո։

свернуть