Merry Hovhannisyan - Ax, erani
Music & Lyrics by Mayranush Dumikyan
Arrangement, Recording, Mix & Mastering by Hayk Ghevondyan XP

Ախ որքան եմ Քեզ կարոտել,
Սահման չկա, չափ չկա,
Սիրտս անհամբեր է դարձել,
Երբ ես գալու իմ Արքա:

/Կրկներգ/
Ախ երանի, ախ երանի
Տեսնեի Քեզ իմ Հիսուս,
Կարոտ սրտով համբուրեի
Սուրբ ոտքերդ հոգուս լույս:

Ախ երանի այն աչքերին,
Որ տեսնում են Քեզ հիմա,
Հրեշտակներն են բազում զորքով
Քեզ ծառայում Տեր հիմա:

Ախ երբ պիտի ես էլ տեսնեմ
Քո վառ պատկերը լուսո,
Կարոտ սրտիս սերը բերեմ,
Դնեմ ոտքերիդ ներքո:

Ես Քեզ ծառայել եմ ուզում
Իմ ողջ սրտով ու հոգով,
Եկ, բնակվիր իմ սրտի մեջ,
Առաջնորդվեմ Քո Հոգով:

Պահիր սիրտն իմ Դու անարատ,
Որ արժանի լինեմ Քեզ,
Ես նվազեմ ու փոքրնամ,
Դու իմ մեջ հասակ առնես:

Ու երբ որ գաս Տեր իմ Հիսուս,
Մաքուր սիրտն իմ Քեզ բերեմ,
Քեզ հետ ապրեմ ես երկնքում
Ու Քեզնից չբաժանվեմ:

свернуть