Şüvəlan-Zirə avtomagistralında böyük təhlükə - Baku TV

Şüvəlan-Zirə avtomobil yolunda həftədə bir neçə yol-nəqliyyat hadisəsi baş verir. Sözügedən yolda sürət həddi saatda 100 km müəyyənləşdirilib. Dairəyə girmək istəyən sürücülər ilk növbədə gözləməli, baş yolun boş olduğunu gördükdən sonra yollarına davam etməlidir. Çaşqınlıq elə ən çox da bundan yaranır.

Əslində sürücülər üçün burada nə çaşdırıcı yol işarəsi, nə də ki aydın olmayan məqam var. Sadəcə belə yol ayrıclarında diqqətli olmaq kifayət edir ki, yoluna təhlükəsiz davam edəsən. Amma son günlər burada baş verən qəzalar, piyada vurma hallarının statistikası ərazini təhlükəli yollar sırasına salıb.

Sürücülər saatda 100 km müəyyənləşdirilən bu avtomagistralda dairəyə yaxın yerdə ya işıqforun quraşdırılmasını, ya da piyadalar üçün yerüstü keçidin tikilməsini vacib hesab edirlər.
Əslində sürət həddi yüksək olan bu cür avtomagistrallarda yerüstü piyada keçidlərinə ehtiyac duyulur. Çünki təhlükə saçan yol və dairələrdə bu praktika öz effektini verib.

Mövcud problemdən Bakı Nəqliyyat Agentliyi (BNA) də xəbərdardır. Bəs təkliflər və görüləcək işlər nədən ibarətdir?
Məsələ ilə bağlı BNA-nın sözçüsü Mais Ağayev bildirib ki, Qala-Türkan yolunda piyada təhlükəsizliyi səviyyəsinin artırılması fəaliyyət planımıza daxil edilib. Ötən müddətdə bu istiqamətdə müəyyən təhlillər də aparılıb. Nəticə etibarı ilə Qala-Türkan yolunda 3 yerdə müxtəlif səviyyəli piyada keçidlərinin inşası ilə bağlı təkliflər hazırlanaraq razılaşdırılması üçün Nazirlər Kabinetinin yol hərəkəti təhlükəsizliyi komissiyasına təqdim edilib.

Güman edirik ki, Qala-Türkan yolunda piyada ölümü ilə bağlı statistika daha çox artmamış BNA gecikən missiyanı tamamlamış olacaq.

Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
[ Ссылка ]
[ Ссылка ]
[ Ссылка ]

Kanalda bütün müəllif hüquqları qorunur.

#BakuTv #Azerbaycan #trend

свернуть