Deputatın ailəsinə müdaxilə edən kimdir? - Baku TV

Bakıdakı otellərin birində deputat Ramil Həsənlə Vəkillər Kollegiyasının sədr müavini Muxtar Mustafayev arasında münaqişə baş verib.

Əvvəlcə onu deyək ki, Muxtar Mustafayev Moldova əsilli britaniyalı biznesmen Almari Vael Süleymanın vəkilidir. Onun keçmiş həyat yoldaşı Yekaterina Lunqu-Hasan hazırda deputat Ramil Həsənlə evlidir. britaniyalı biznesmenin Yekaterina ilə evlilikdən olan qızı indi anasının yanında, yəni Bakıda deputatın evindədir.

Vəkillə millət vəkilinin hansı səbəbdən qarşı-qarşıya gəldiyini öyrənmək üçün hər iki tərəflə əlaqə saxladıq.
Deputat Ramil Həsən bildirdi ki, 6 yaşlı Malikanın atası övladını görmək üçün Bakıya gəlib. Məhkəmənin qərarı ilə ata ilə qızın görüşü təşkil edilib. Lakin qarşı tərəfin nümayəndələri görüş zamanı aranı qarışdırmağa çalışıb.

Bu, britaniyalı biznesmen və onun nümayəndələrinin etdiyi ilk təxribat deyil. Bundan əvvəl də müxtəlif vaxtlarda mətbuatda bu barədə xəbərlər yayılıb.

Qarşı tərəfin mövqeyini öyrənmək üçün Vəkillər Kollegiyasının sədr müavini Muxtar Mustafayevlə əlaqə saxladıq. O, bu mövzuda danışmaq istəmədiyini bildirdi.
Qeyd edək ki, münaqişədə iştirak edən 8 nəfərin şəxsiyyəti müəyyənləşdirilərək Səbail Rayon Polis İdarəsinə dəvət olunub.
Xüsusi karantin rejimi qaydalarını pozduqları üçün millət vəkili Ramil Həsən və ətrafdakı şəxslər barəsində İnzibati Xətalar Məcəlləsinin müvafiq maddəsi ilə protokol tərtib olunaraq, cərimə olunublar.



Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
[ Ссылка ]
[ Ссылка ]
[ Ссылка ]

Kanalda bütün müəllif hüquqları qorunur.

#BakuTv #Azerbaycan #trend

свернуть