Տեղական ինքնակառավարման համակարգի առանձնահատկությունները Հայաստանում․ Աննա Ղորուխչյան
18.06.2020թ. «ՀՀ ընտրական օրենսգիրք» սահմանադրական օրենքում փոփոխություններ և լրացումներ են կատարվել, փոփոխվել է ՏԻՄ-երի ընտրության կարգը։ Ըստ այդմ, ՏԻՄ-երի ընտրություններն անցկացվում են մեծամասնական կամ համամասնական ընտրակարգով՝ կախված համայնքի ընտրողների թվաքանակից և համայնքի կազմում ընդգրկված բնակավայրերի թվից։ Մինչև 4000 ընտրող ունեցող համայնքներում (բացառությամբ բազմաբնակավայր համայնքների) համայնքի ղեկավարն ու ավագանու անդամները ընտրվում են ուղղակի ընտրությունների միջոցով՝ մեծամասնական ընտրակարգով: 4000-ից ավելի ընտրող ունեցող, ինչպես նաև բազմաբնակավայր
համայնքներում ավագանու անդամներն ընտրվում են ուղղակի ընտրությունների
միջոցով, իսկ համայնքի ղեկավարը՝ անուղղակի կերպով (ավելի մանրամասն տե՛ս «ՀՀ ընտրական օրենսգիրք» սահմանադրական օրենք)
