Британиядаги Алстер университети (University of Ulster) криминология профессори Кристиан Ласслетт "White-collar crime" деб аталадиган жиноят тури бўйича мутахассис.
Инглиз тилидан сўзма-сўз таржима қилганда "оқ ёқаликлар жинояти" маъносини англатадиган бу кўриниш йирик бизнес ёки ҳукумат амалдорлари томонидан мансаб ваколатларини суистеъмол қилиш йўли билан содир этиладиган жиноят турини англатади.
Кристиан ўз фаолияти давомида йирик техноген офатлар натижасида ҳалок бўлган жабрдийдаларнинг оилалари билан яқиндан ишлаган.
У шунингдек, “Тошкент-сити” қурилишидаги манфаатлар тўқнашувига доир бир неча текширув ва тадқиқотларни эълон қилган.
Жумладан, у Тошкент шаҳар ҳокими Жаҳонгир Ортиқхўжаевнинг 60 дан ортиқ компанияларга алоқаси бўлиши мумкинлигини айтган.
Би-би-си билан суҳбатда у Сардоба сув тошқини бўйича тергов ва маҳкаманинг очиқ бўлиши нима учун муҳимлигини тушунтирди.
#bbcuzbek
BBC News O'zbek - BBC News O'zbek tilida, onlayn, TV va ijtimoiy tarmoqlarda
