БЕЗ БИЛЕТА.
Гурт заснаваны ў Мінску ў 1999. Адна з найбольш папулярных беларускіх каманд. Па выніках музычнай прэміі “Рок-каранацыя – 2009” альбом гурта “Афрыка” быў прызнаны “альбомам года”, таксама музыкі былі адзначаны ў намінацыі “гурт года”, атрымаўшы галоўную ўзнагароду – “Рок-карону”. У красавіку 2009 выйшаў першы рэліз групы ў Рассіі, некалькі песен сталі хітамі радыёэфіра краін СНД. Лідэр гурта Віталь Артыст вядомы таксама як паспяховы кампазітар, музыка якого гучыць у кінастужках “Охота на пиранью”, “Шутка”, у телесэріялах “Мужчины не плачут”, “Супермаркет”. Калектыў актыўна выступае на фесты-вальных пляцоўках Беларусі, Францыі, Італіі, Польшчы. Гурт удала спалучае “стадыённы рок” і “электронны поп”, з’яўляецца адным з самых меладычных калектываў. Рускамоўны. Заснаваў і штогод на пачатку лістапада праводзіць арыгінальнае свята “День Безбилетника”. У дыскаграфіі гурта больш за 10 альбомаў, апошні – “Море” выдадзены ў 2014 годзе, і, па меркаванню музычных аглядальнікаў, уваходзіць у дзясятку лепшых альбомаў году.

свернуть