48 orë përpara mbajtjes së zgjedhjeve parlamentare ushtria ka marrë në mbrojtje institucionet e rëndësisë së veçantë, ambasadat dhe Ministritë.

Janë 74 objekte të rëndësishme shtetërore që janë marrë në ruajtje nnga forcat “Komando”, pasi punonjësit e policisë do të angazhohen për sigurimin e objekteve zgjedhore. Albert Dervishaj, zv.drejtor i përgjithshëm i Policisë së Shtetit, tha se këto objekte do të ruhen deri të martën.

“Është përgatitur dhe miratuar Urdhri i Përbashkët i Ministrit Brendshëm dhe Ministrit të Mbrojtjes, si dhe Urdhri i Drejtorit të Përgjithshëm të Policisë, për marrjen në ruajtje nga sot ora 14:00 dhe deri ditën e martë, të 74 objekteve të rëndësishme shtetërore, nga forcat “Komando”, pasi 228 punonjës të policisë që sigurojnë këto objekte, do të angazhohen me detyrë për sigurimin e objekteve zgjedhore”.

Dervishaj theksoi se asnjë strukturë tjetër nuk ka të drejtë të ndalojë apo kontrollojë qytetarë përveç uniformave blu.

“Në zbatim të ligjit “Për Policinë e Shtetit”, kontrolli i territorit, e automjeteve, personave etj. është atribut vetëm i Policisë së Shtetit dhe jo i subjekteve apo organizimeve të tjera”.

Deri tani në polici dhe prokurori janë referuar 36 raste që lidhen me shkelje gjatë fushatës. Janë afro 6 mijë efektivë policie që do të angazhohen për mbarëvajtjen e procesit zgjedhor. Sipas Kodit Zgjedhor ndalohet qëndrimi, grumbullimi apo çdo veprimtari tjetër në objektet ku janë vendosur qendrat e votimit dhe në afërsi të saj.

Duke filluar nga dita e shtunë ndalohet përdorimi i materialeve propagandistike në qendrën e votimit dhe rreth saj në një rreze prej 150 m. Këto materiale lejohen vetëm në një largësi deri 5 metra nga zyra zgjedhore e partisë politike apo subjektit zgjedhor përkatës.

Tv Klan
SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть