#VekoTushe#ShkëlqimBalili#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.
2 receta nga Znj.Vjollca
Receta 1: Torta “Margarita”
4 vezë
120 gr sheqer
100 gr miell 00
100 gr niseshte
2 lugë gjelle ujë të nxehtë
2 lugë gjelle vaj luledielli
10 gr pluhur pjekës
Vanilje
Sheqer pluhur
Ndajmë vezët, të bardhat veç, të kuqet veç. Rrahim të bardhat e vezëve duke shtuar pak nga pak sheqerin ½ (60 gr) dhe 1 lugë kafe ekstrakt vanilje i përziejmë derisa të na formohet një marengë e lidhur mirë.
Te të bardhat e vezëve, shtojmë 2 lugë gjelle ujë të ftohtë dhe vazhdojmë ti rrahim, derisa të kuqet të shpërbëhen, shtojmë gjysmën e sheqerit që teproi, 60 gr.
Bashkojmë miellin më niseshten dhe i shtojmë tëk të verdhat e vezëve, kur të na jetë formuar një brum pak i trashë, shtojmë në të lugë lugë marangen e vezëve të bardha. Shtojmë 2 lugë gjelle vaj dhe e përziejmë mirë brumin.
Lyejmë një tavë me vaj dhe miell. Vendosim në të brumin e tortës dhe e lëmë të piqet në furrën e parangrohur në temperaturën 175 gradë, për 25-30 minuta.
Receta 2: Gjyveç me mish viçi dhe oriz
600 gr mish viçi
2 lugë gjelle gjalpë
2 lugë gjelle vaj
1 qepë e madhe
½ lugë gjelle salcë
2 domate
1 ½ gotë oriz
4 ½ gotë lëng mishi
Kripë dhe piper i zi
Në një tenxhere, shkrijmë gjalpin, shtpjmë vajin dhe kaurdisim qepën eprerë hollë, derisa të zverdhet.
Shtojmë copat e mishit dhe i kaurdisim së bashku, derisa mishi të ndryshojë ngjyrë. Shtojmë salcën dhe vazhdojmë përzierjen duke pasuar më pas domaten e qëruar nga lëkura dhe e prerë në kubikë të vegjël. Lëmë domaten të ziejë për 10 minuta e më pas shtojmë në tenxhere kripë, piper të zi, 5 gota ujë të ngrohtë. Vendosim kapakun dhe e lëmë mishin të ziejë për 40 minuta.
Ndërkohë në një tigan të thellë me një lugë gjelle gjalpë dhe një lugë gjelle vaj, kaurdisim orizin për 5-6 minuta. E transferojmë atë në një tavë ku vendosim copat e mishit e më pas shtojmë lëngun e tij (4.5 gota uji lëng mishi). Kontrollojmë dhe njëherë shijen, duke vendosur tavën në furrë në temperaturën 180 gradë, për 30-35 minuta.
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ] #Receta#ZonjaVjollca#KaterinaTrungu
![](https://s2.save4k.ru/pic/t_erD7gLmCc/maxresdefault.jpg)