Ustoz, men kelin bo'lib tushgan oila katta. Erimning menda 6 yosh katta uylanmagan ukasi bor. Unga doktorlar shizofreniya tashxisini qo'yishgan. Uyimiz ko'pincha notinch. Qayn ukam arzimagan narsalar uchun ham, hatto bollarimga tanbeh bersam ham meni haqoratlab, behayo so'zlar bilan so'kadi. Hatto yotoqxonamgacha kirib kelib, haqoratlaydi. Bollarimni ham qiynab turadi. Erimga shikoyat qilishdan qo'rqaman. Aka-ukaning orasini buzib qo'yishdan qo'rqaman. Uyimdagilarga ham aytmayman. Ularni havotirga qo'ygim kelmaydi. Qaynonam va qaynotam u kasal, siz sog'lomsiz, ichingizga yutib ketavering deb, koyishadi. Avvaliga, meni deb qaynonamni qiynab yurmasin deb, salom-alik qilib, ichimga yutib yuraverdim. Hozir sog'ligim ko'tarmay qoldi. Janjal boshlandi deguncha, yuragim qisib, o'zimni yo'qotishni boshlayman. Yaqinda qaynonam QOVID-19 chalinib, olamdan o'tdi. Shundan keyin meni urmoqchi bo'lib, janjal ko'tardi. Shundan beri oilamiz tinchi uchun ularga umuman gapirmay, salom bermay qo'ydim. Lekin ovqatini tayyorlab qo'yaman. Yetti oydirki alhamdulillah men bilan janjal qilmayapti. Lekin qaynotam va qaynog'amlarga janjal qilib turadi. Men gapirmaganim uchun menga gapirmaydi. Janjal chiqarish uchun har xil bahona qidiradi. Masalan, chiroqni ochirib qo'yadi, yo'limni to'sib turib oladi, bollarimga ozor beradi. Lekin men indamaganim uchun menga janjal ko'tarmaydi. Ustoz, maslahat bering. Oilamning tinchi uchun qaynukam bilan salomlashmay, gapirmay yursam lekin ovqatini tayyorlab yursam bo'ladimi? Silai rahimni uzgan bo'lmaymanmi?
#IxlosOrg #ShayxSodiqSamarqandiy
