Армысыз патша көңілді көрермен
Белгород отқа оранды. Иә, Украина ендігі таңда Ресей шекарасын басып өтіп, қалаларына шабуылдап жатыр ма? Әлде бұл саяси ойын ба, алдарқату тәсілі ме? Белгородта қандай жағдайлар орын алып жатыр? Губернатор не дейді? Қанша бейбіт тұрғын мен әскерилер қаза тапты? Мұны сізге Білген дұрыс
Патша көңілді көрермендер. Бар болғаны 15 секундыңызды қиып, видеомызға лайк басып, арнаға тіркеліп, қасында шыққан кішкентай ғана қоңыраушаны түрте кетіңіздерші. Сіздердің бізге көрсеткен қолдауларыңыз, зор шабыт пен еңбегіміздің жемісі болып табылмақ. Кеттік ендеше!
Соғыс басталғалы, Украинамен шектесетін Ресейдің Белгород облысының тынышы кетті. Бірақ кешеден бері тіптен құты қашып тұр.
Облыс губернаторы Вячеслав Гладков өңір халқына үндеу жолдап, дүрбелеңге салынбауға шақырды.
Билік не айтса, өмір шындығы соған тура қарама-қарсы болатынын ресейліктер кеңес кезінен жақсы біледі. Оның үстіне РФ жаңарған Конституциясында Ресей территориясы деп бекітілген Украинаның Херсон облысының орталығы – Херсон қаласын былтыр тастап қашатын кезде де билік жұртшылықты "паникаға бой алдыруға еш негіз жоқтығына" сендіріп баққан.
Нәтижесінде, кешелі бері облыс орталығы Белгород қаласынан Ресейдің өзге өңірлеріне шұғыл бет қойған тұрғындардың түрлі көліктері бірнеше шақырылымға созылған "керуен", кептеліс түзді. Олар Мәскеудің өздерін құтқаруға, қауіпсіздігін қамтамасыз етуге қауқары жететініне сенбейтін болса керек.
Бастапқыда облыс губернаторы В.Гладков Грайворон ауданындағы үстемелеткен атыс аясында өңірге қарсы "үстемелеткен ақпараттық шабуыл" да жасалып жатқанын мәлімдеді. Бірақ Украина жағынан танктің шекараны бұзып өткеніне қатысты түсініктеме бермеді.
Дегенмен, ол Белгород облысының Глотово селосының маңында да атыс болып жатқанын жеткізді. Онда екі бейбіт тұрғын – еркек пен әйел жанына жарылған минадан жараланыпты.
Кейінірек облыс басшысы Вячеслав Гладков Грайворон округіне қарсыластың диверсанттары мен барлаушыларының тобы кіргенін растады.
"РФ қарулы күштері, шекарашылармен, Росгвардиямен және ФСБ қызметкерлерімен бірге қарсыласты жою үшін қажетті шараларды қабылдап жатыр. Егжей-тегжейін соңыра хабарлаймын", – деп мәлімдеді ол.
Қарсылас бұған қатысын жоққа шығарды: Украина Қорғаныс министрлігінің Бас барлау басқармасының өкілі Андрей Юсов Ресейдің Белгород облысының территориясында "Свобода России" легионы және "Русский добровольческий корпус" "қауіпсіздік жолағын құруға бағытталған операция" жүргізіп жатқанын мәлімдеді. Ол аталған операцияны "тек қана Ресей азаматтары" өткізіп жатқанын атап өтті.
РФ басшысының баспасөз хатшысы Дмитрий Песков Владимир Путинге "украиналық диверсанттар Белгород облысында шекараны бұзып кіруге талпыныс жасағаны" баяндалғанын хабарлады. Бұл ретте "диверсиялық топты Ресей территориясынан ығыстырып шығаруға және жоюға бағытталған жұмыс жүргізілуде". Д.Песковтың айтуынша, қосымша күштер бағытталмайды, "жергілікті жерде күш пен құралдар жеткілікті".
Бірақ бұл жалған болса керек. Mash және Baza телеграм-арналарының дерегінше, Белгород облысының бүкіл аумағы қамтитын "Перехват" жоспары енгізілді. Оның аясында өңір полициясының барлық қызметкерлерін, соның ішінде демалыстағыларын да жаппай жинау жарияланды.
Губернатор жалпы саны сегіз адам жараланғанын, бейбіт тұрғындар арасында қаза тапқандар жоғын, Грайворон қаласы және округі тұрғындарының басым көпшілігі қоныстарын тастап кеткендерін жеткізді.
Бұған қоса, Ресейдің Белгород облысында "контртеррористік операция" режимі енгізілді. Бұл режим тұрғындарға қатысты шектеулерді іске қосты. Мысалы, карантин, коменданттық сағат енгізіліп, көшеде бостекі жүруге тыйым салынды. Өндіріс орындары тоқтатылды. Өңірдегі интернет пен байланыс ағытылды. Азаматтардың көлігін қорғаныс қажеттілігі үшін тартып алуға рұқсат етілген.
РФ Төтенше жағдайлар министрлігі облыста эвакуация жүргізіліп жатқаны туралы ақпаратты "фейк" деп атады. Халық ұйымдаспаған түрде, облыстан өз бетінше босып жатыр. Белгород облысындағы барлық мектепте соңғы қоңырауға, мектеппен қоштасу рәсімдеріне және алдағы басқа да мәдени шараларға тыйым салынды.
"Жұртшылықтың үлкен бөлігі территорияны тастап шықты. Кімнің көлігі, мүмкіндігі жоқ, оларға қолда бар көлікпен көмек көрсетуге тырысып жатырмыз. Жеке автомобилі барлар өз бетінше кетуде", – деді губернатор В.Гладков.
"РДК" аталатын қарулы топ төл телеграм-арнасында Ресей шекарасын өз жауынгерлерінің кесіп өткенін жария етті. Шын әлде өтірігі белгісіз, олар тіпті өз қолына көшірген ресейлік елді мекендерді паш етті. Мысалы, бір қысқа видеода олар Белгород облысының Безлюдовка ауылының нұсқағышы аясында тұр. Ал "Свобода России" легионы Ресей тұрғындарына бейнеүндеу орналастырды. Артынша оның телеграм-арнасында диверсанттардың Козинка кентін азат еткені туралы хабарлама пайда болды.
Сіз үшін Білген дұрыс
