方力申斥泳總制度扼殺運動員天賦 制度僵化不公不利運動員發展
自細游水屢破紀錄更多次代表香港出賽嘅 方力申 ，近來非常勞氣咁指出旗下學校一名成績非常好嘅小朋友，因為泳會資格未符香港游泳總會出賽級別，而無緣參加錦標賽，經過了解同總會發聲明回應，小泳手參賽一事仍不得要領，令身為教練嘅小方非常氣憤。
呢日小方出席一個公開場合時，就指因為此事既委屈又心痛，因為總會聲明似指佢有意搞事，佢接受專訪更被指係帶出負面訊息，不過小方就認為自己正式正協助年輕選手爭取參加比賽嘅權利，而曾接觸總會方面，不過就未獲回應。
佢提到自1月事件發生已半年，專訪公開後總會始發聲明回應事件，小方認為聲明俱以總會定立嘅制度作回應，而並非運動員嘅權利本身，小方本人更被指責。呢日佢就指自己過往曾為香港泳隊出過唔少力，亦不時推廣游泳活動，對今次得到咁嘅對待不明所以。
小方越講細節就越激動，佢指小泳手參加泳總承認屬會嘅比賽得到優異成績，更拾級而上得到更好成績，佢對所謂制度嘅僵化認為係封閉，對往後運動發展更為不利。
#方力申 #泳會 #資格 #出賽級別 #氣憤 #運動員 #香港游泳總會 #僵化 #聲明 #負面 #封閉 #扼殺 #小泳手
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
[ Ссылка ]
登入myTV SUPER享受睇TVB自製節目7日包括娛樂新聞的免費點播
[ Ссылка ]
