2020 жылдың 1 қаңтарынан бастап Қазақстанда атаулы әлеуметтік көмек (АӘК) көрсетудің тәсілдері өзгереді. Жаңа тәсілдер АӘК-ті барынша ашық әрі әділетті етіп, адамдарды еңбекке ынталандыратын болады. Жаңа тәсілдер келесідей өзгерістерді қамтиды:
1. Арнайы мемлекеттік жәрдемақы барлық көпбалалы аналарға беріледі. Ақшалай көмектің мөлшері бала санына байланысты болады.
4 бала – 42 496 теңге
5 бала – 53 127 теңге
6 бала– 63 757 теңге
7 және одан көп бала – 74 388 теңге
2. Мемлекет еңбекке қабілетті азаматтарға жұмыс табуға көмектеседі. Еңбекке қабілетті атаулы әлеуметтік көмек алушыл жұмыс істеуден бас тартқан жағдайда ол және оның отбасы АӘК-тен айырылады. Дегенмен, көпбалалы аналарға төленетін жәрдемақы мен балаларға арналған кепілдендірілген әлеуметтік пакет сақталады.
3. Атаулы әлеуметтік көмек тағайындаудан бас тарту үшін отбасының материалдық жағдайын тексеру нәтижелері бойынша қажеттіліктің жоқтығы туралы учаскелік комиссияның қорытындысы негіз болады.
4. Балаларға арналған кепілдендірілген әлеуметтік пакет пайда болады. 6 жасқа дейінгі балаларға азық-түлік жиынтықтары мен гигиеналық құралдар тегін беріледі. Ал 6 жастан 18 жасқа дейінгі балаларға мектептерде ыстық тамақ, жол жүру шығындары, мектеп киімдері мен оқу құралдары тегін болады.
18 жасқа дейінгі балаларға медициналық көмек, оның ішінде стоматологиялық көмек Тегін медициналық көмектің кепілдендірілген көлемі мен Міндетті әлеуметтік медициналық сақтандыру шеңберінде көрсетіледі.
Мемлекеттің атаулы әлеуметтік көмек көрсетудегі жаңа тәсілдерінен күтілетін нәтиже қандай болмақ? Жаңа ережелер тағайындалатын көмекті барынша әділ етіп, азаматтарды еңбекке ынталандырады және ең басты – мемлекеттік көмек шынымен мұқтаж адамдарға көрсетілетін болады.
Қазақстандағы АӘК-тің жаңа тәсілдері туралы толығырақ білу үшін:
1. Call-орталықтың 111 телефонына қоңырау шалыңыз
2. Еңбек және халықты әлеуметті қорғау министрлігінің www.enbek.gov.kz сайтына өтіңіз.
3. Әлеуметтік желілердегі төмендегі парақшаларға жазылыңыз:
Instagram: [ Ссылка ]
Facebook: [ Ссылка ]
ВКонтакте: [ Ссылка ]
Видео Black & White медиакомпаниясының өнімі ([ Ссылка ]).
