Bisedë me z. Ilir PILKU, Specialist i lartë i bujqësisë
Sipas INSTAT, vetëm gjatë muajit maj 2023, u shitën në tregjet e huaja 53 mijë ton ushqime, pije dhe duhan nga Shqiperia, në krahasim me 42 mijë ton në po të njëjtin muaj të një viti më parë, duke regjistruar një zgjerim në vëllim me 26.5 përqind, ose mbi një të katërtën.
Eksportet bujqësore janë shtuar, pavarësisht zhvlerësimit të euros ne tregun e këmbimit të Shqipërisë. Eksportet jane rritur jo vetëm në vëllim fizik, por edhe në vlerë. Vetëm në maj 2023, sipas Ministrisë së Bujqësisë dhe Ushqimit, kompanitë shqiptare kanë përfituar 6.53 miliardë lekë apo rreth 62 milionë euro, shifër kjo 24.6 përqind më e lartë, në krahasim me muajin maj të vitit 2022. Sipas Ministres së Bujqësisë dhe Ushqimit, Frida Krifca, kjo ka ardhur, si rezultat i një punë te jashtëzakonshme të fermerëve shqiptarë, tregtarëve, eksportuesve dhe standartizuesve të produkteve ushqimore, si dhe një zinxhiri ushqimor që po forcohet dita-ditës. Bashkëpunimi mes hallkave të ndryshme të zinxhirit ushqimor në vend është shtuar ndjeshëm, me sektorin financiar dhe kryesisht atë bankas dhe institucionet e mikro-kredisë, të cilat kanë ndihmuar dhe ofruar më bindshëm huatë e tyre, në dispozicion të fermerëve dhe agro-përpunuesve.
Po sipas INSTAT, gjatë muajve janar-maj 2023, sasia e eksporteve të produkteve ushqimore shqiptare ka arritur një vellim fizik rreth 162 mijë tonë, ose 15.3 përqind me shume, krahasuar me një vit më parë. Vetëm eksporti i vajit të ullirit ka siguruar të ardhura 26 herë më të larta se periudha janar-maj 2022, kur praktikisht kishim eksport shumë të paktë. Kjo ka ardhur edhe si rezultat i marrëveshjes me Qeverinë Italiane. Ministri i Bujqësisë, Sovranitetit Ushqimor dhe Pylltarisë i Republikës së Italisë, Francesco Lollobrigida vizitoi Shqipërinë në fund të marsit 2023, së bashku me një numër sipërmarrësish italianë, të cilët lidhën kontrata me prodhuesit shqiptarë të vajit të ullirit.
Edhe pse rënia e euros ne tregun shqiptar po ndikon pak në zhvlerësimin e të ardhurave të eksportuesve shqiptarë të prodhimeve bujqësore dhe blegtorale, qeveria shqiptare është e gatshme të ofrojë mbështetje për eksportuesit, në rast se do të lindë nevoja.
Ndiqni “Ejani Tiranë” dhe “Radio Ejani”
Ndiqni kanalin “Ejani Tiranë” në YouTube: [ Ссылка ]
Ndiqni “Radio Ejani” në Facebook: [ Ссылка ]
Ndiqni “Radio Ejani” në Twitter: [ Ссылка ]
Shkarkoni aplikacionin “Ejani” në App Store: [ Ссылка ] dhe Play Store: [ Ссылка ]
Për më shumë klikoni në uebsajtin tonë: [ Ссылка ]
#realiteteekonomike #fatoscocoli #bujqesi
![](https://i.ytimg.com/vi/tpUOp5zJnYg/maxresdefault.jpg)