Koreja e Veriut tha të enjten se ka simuluar sulme bërthamore ndaj Koresë së Jugut dhe se po bën stërvitje për një skenar pushtimi të fqinjit rival, në rast të një konflikti në Gadishullin Korean. Peniani ka testuar në të kaluarën raketat bërthamore dhe ka shpjeguar sesi do t’i përdorte ato në një luftë të mundshme me Korenë e Jugut dhe Shtetet e Bashkuara. Por, ajo e ritheksoi doktrinën e vet agresive bërthamore për t’i frikësuar kundërshtarët duke i zbuluar planet e hollësishme për luftë, duke përshkallëzuar protestën kundër stërvitjeve të vazhdueshme mes Koresë së Jugut dhe Shteteve të Bashkuara, të cilat i vlerëson si kërcënim serioz ndaj sigurisë, thonë vëzhguesit. Ushtria e Koresë së Veriut tha se lëshoi dy raketa taktike balistike nga kryeqyteti të mërkurën mbrëma, për të praktikuar “sulme që djegin tokën” në qendrat e mëdha të komandës dhe aeroportet e Koresë së Jugut, sipas agjencisë shtetërore të lajmeve, KCNA. Lideri i Koresë së Veriut, Kim Jong Un, Kimi ka bërë përpjekje të mëdha për ta rritur arsenalin e vet bërthamor dhe për të krijuar sisteme të armëve të sofistikuara. Koreja e Veriut tha se testimet e saj raketore ishin përgjigje ndaj bombarduesve amerikanë B-1B që fluturuan në një stërvitjeje të përbashkët ajrore me Korenë e Jugut të mërkurën në mëngjes. “[Stërvitjet ajrore] janë kërcënim serioz për [Korenë e Veriut], pasi janë pjesë e skenarit për një sulm bërthamor ndaj Koresë së Veriut”, tha Shtabi i Përgjithshëm i Veriut. “Ushtria e vendit tonë nuk do t’i injorojë asnjëherë veprimet e vrazhda të forcave amerikane dhe gangsterëve ushtarakë të Koresë së Jugut”. Sipas vlerësimeve të Koresë së Jugut dhe Japonisë, raketat me rreze të shkurtër veprimi udhëtuan në një distancë prej 360-400 kilometra në lartësi maksimale prej 50 kilometrash mbi sipërfaqen e detit, para se të binin në ujërat mes Gadishullit Korean dhe Japonisë.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Skenari#KoreaVeriut

свернуть