Kamanda wa polisi mkoa wa Arusha,Justin Masejo amesema mtuhumiwa wa mauaji ya askari Polisi aliyeuawa hivi karibuni katika Kijiji cha Makiba wilayani Arumeru amefariki duniani baada ya kujirusha kutoka kwenye gari akiwa amefungwa pingu mikononi.

Kamanda Masejo amesema baada ya tukio la mauaji ya askari Polisi,Damas Magoti walianza msako wa kumtafuta mtuhumiwa,Jacob Kideko maarufu kwa majina ya Wami au Kichwaa ambaye alikamatwa mkoani Morogoro na wakati akiletwa jijini Arusha alipofika eneo la Kisongo Ali jaribu kutoroka bila mafanikio.

Masejo amesema baada ya kujirusha chini aliumia sehemu ya kichwa na kukimbizwa hospitali ya mkoa ya Mount Meru kwa matibabu na baadaye kupoteza maisha.

свернуть