حياكم سنابي 🖤..
[ Ссылка ]

الكلمات :

اه يا مرّ الفراق اللي احتسيته
اه ضاقت بي الوسيعه من البلاد
في نهار الحزن همي ارتديته
واظلمت دنياي واعلنت الحداد

احتواني الياس مدري احتويته
وانطفى فيني الامل والهم ساد
ان بكيت اليتم ولا مابكيته
هذي اقدار الاله وما اراد

مومنن قلبي ولو همي شكيته
صابره روحي ودمع العين جاد
من رحل نور الوجود ومالقيته
صار كل الكون في عيني سواد

ليتني عن موتة الغالي فديته
ليت عمري كمل ايامه وزاد
اه يا مرّ الفراق اللي احتسيته
اه ضاقت بي الوسيعه من البلاد

يا اله الكون ارحم من خذيته
واسكنه جنات وانهار ومهاد
واجعل الفردوس منزاله وبيته
واكرمه يا الله في يوم التناد

#قروب_OR

свернуть