Елімізде дәрігерлердің кәсіптік жауапкершілігі сақтандыру жүйесіне енгізіледі. Яғни дәрігер науқастың өміріне немесе денсаулығына зиян келтірген жағдайда пациентке өтемақы төленеді. Денсаулық сақтау министрі Ажар Ғиният мәжіліске медицина қызметкерлерінің мәртебесін арттырып, науқастардың құқығын қорғайтын құжатты таныстырды. Құжатта зардап шеккен емделушіге өтемақыны сақтандыру компаниясы арқылы медициналық ұйымның төлейтіні жазылған. Толығырақ заң жобасымен танысып қайтқан әріптесім Аршат Әділжанқызы тарқатсын.
Денсаулық сақтау министрі Ажар Ғиният жаңа депутаттарға таныстырған құжатта дәрігерлер пациенттің денсаулығына зиян келтірген жағдайда емделушіге сақтандыру компаниясы арқылы жұмыс берушінің өтемақы төленейтіні жазылған. Яғни сақтандыру жарнасын төлеу медициналық ұйымға міндеттеледі.
АЖАР ҒИНИЯТ, ҚР Денсаулық сақтау министрі:
– Осы модельге сәйкес шағымды қарауды медициналық ұйымда кәсіби медициналық қауымдастықтар, сақтандыру компаниялары бар, пациенттің өкілдері бар, медицина қызметкерлерінің кәсіптік одақтары бар, медиация арқылы элементтерін пайдалана отырып, бейінді медициналық қауымдастықтарды тарта отырып, медициналық ұйымда құрылған тәуелсіз комиссия қарайтын болады. Бірінші шағымды.
Министрдің айтуынша пациент комиссияның шешімімен келіспеген жағдайда шағым медициналық және фармацевтикалық бақылау комитетіне жолданып, сараптамалық қорытынды жасалынады. Егер науқас төлемақыға қанағаттанбайтын болса сотқа жүгінуге құқылы. Ажар Ғиният депутаттарға дәрігерлер мен орта медицина қызметкерлердің мамандықтары бойынша ең төменгі базалық және ең жоғарғы сақтандыру жарналарын есептеп берді.
АЖАР ҒИНИЯТ, ҚР Денсаулық сақтау министрі:
– Мысалы, мейірбикелер жылына сақтандыру мөлшері 12 мың теңге. Жылына. Ал, ең қауіпті деген хирургиялық бейінді дәрігерлер, нейрохирургтар, кардиохирургтар жылына 70 мыңға актурарлық естептермен шығарылды.
Министрдің айтуынша заң күшіне енгеннен бастап сақтандыру жарнасын медициналық ұйым 100 пайыз төлейді. Ал 2025 жылдан бастап жарнаны медициналық ұйым мен қызметкер теңдей бөліп өтейді дейді. Құжаттың дәл осы тұсы депутат Асхат Аймағамбетовке ұнамай қалған сияқты.
АСХАТ АЙМАҒАМБЕТОВ, ҚР Парламенті Мәжілісінің депутаты:
– Мұндай оларға қосымша ақша төлетумен олардың жауапкершілігі артады деп айту қиын. Сондықтан неге біз 50 пайызын 25 жылға дейін қалай болды сол сияқты бюджет есебінен төлемейміз?
Министрдің айтуынша мәселе қаражатта емес, мәселе әрбір медициналық қызметкердің кәсіби жаупкершілігін көтеру екен. Одан бөлек, Ажар Ғиният 2025 жылдан бастап медицина қызметкерлерін лицензиялау туралы заң жобасы енгізілетінін де айтып өтті. Бұл құжат та дәрігерлердің пациент алдындағы жауапкершілігін арттыруға арналады.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
![](https://i.ytimg.com/vi/u2Z28hpHGw0/maxresdefault.jpg)