Agace k’uyu munsi ka Podcast Kwibuka karerekana uburyo abayobozi n’abicanyi baturukaga mu duce duturiye Kabgayi, bazaga i Kabgayi ahari hahungiye abatutsi benshi, bafite lisiti ziriho amazina y’abatutsi bagombaga kwicwa. Ibi byabaye guhera mu ntangiriro za Mata kugeza muri Kamena ubwo Ingabo zo za RPA zabohoraga Kabgayi. Mu byumweru bya mbere bya Kamena 1994, uwari Minisitiri w’Intebe, Kambanda yasabye Pauline Nyiramasuhuko gushyira imbaraga muri Gahunda yiswe iy’ubwirinzi, yongera umubare w’Interahamwe.
