Beteja elektorale po i afrohet fundit dhe partitë kryesore politike po bëjnë kalkulimet e tyre finale se në cilat qarqe, qytete ku ato mund të kenë një rezultat më të mirë se sa katër vite më parë.
A do të arrijë PS-ja të marrë votat e duhura për krijuar qeverinë, apo do të kemi një fitore të opozitës? Këtë ta tregojnë votat në kutinë e votimit më 25 prill.
Katër vite më parë, socialistët fituan të vetëm 74 mandate, ndërsa demokratët 43 mandate, LSI 19 mandate dhe PDIU 3 mandate. Sot pas katër vitesh kemi pothuajse të njëjtën garë politike. PS, PD dhe LSI kandidojnë më vete.
Ndërsa Partia Demokratike, ka zyrtarizuar koalicionin me 10 parti, duke përfshirë brenda dhe PDIU-në e Shpëtim Idrizit, që katër vite më parë mori 3 deputetë, por që aktualisht mandatet e fituara i përkasin personave të zonës që kishin tepër ndikim.
Janë katër qarqe që kanë gjithsej 75 mandate, aq sa edhe numri magjik për formimin e qeverisë do të kenë efektin përcaktues në këto zgjedhje. Metropolit shqiptar i janë shtuar 2 mandate, në total do të ketë 36. Këtu do të përqendrohet edhe beteja më e madhe për faktin se ka edhe elektorat të përzier, me të pavendosur dhe ku jeton pjesa më e madhe votuesve që cilësohet si gri.
Katër vite më parë, PS mori 18 mandate, ndërsa PD 11 dhe LSI fitoi 5 mandate. Kjo është pasqyra e votave ku sot pas katër vitesh beteja bëhet edhe për dy mandatet plus. PS pretendon 19 mandate, pra një më shumë se në 2017-ën. Ndërsa opozita, PD shprehet i ka të sigurta 19 mandate, dhe LSI synon 5 mandate.
Por në këto zgjedhje duhet të llogaritet edhe fakti se konkurrojnë disa parti të reja apo të vogla, si Nisma Thurje, Aleanca për Ndryshim, apo PSD dhe Bindja Demokratike që synojnë të marrin mandate deputetësh. Një pjesë e partive politike të reja, votat e tyre mund t’i marrin më tepër nga elektorati i djathtë se sa nga i majtë, dhe se për këtë me e rrezikuar është PD-ja. Kjo jo vetëm për Tiranën, por në të gjitha qarqet e Shqipërisë.
Durrësi është qarku ku PD-ja shpreson të thyejë rezultatin e 2017-ës. Katër vite më parë PS-ja mori 8 mandate, PD-ja 4 dhe LSI 2. LSI-ja ka pësuar një tronditje, pasi Lefter Koka është larguar nga kjo parti dhe kandidon për PS-në. Ai është një person që ka tepër ndikim në Durrës dhe që mund ta dëmtojë ndjeshëm LSI-në.
Elbasani njihet si zona më e nxehtë e këtyre zgjedhjeve. Jo më kot ndërkombëtarët kanë bërë të ditur se do të instalohen më 25 prill në këtë qark që nxjerr 14 deputetë. Në zgjedhjet e kaluara PD mori rezultatin më të dobët në histori, vetëm 3 deputetë, ndërsa PS-ja fitoi 7 mandate, LSI 2 mandate dhe PDIU 2 mandate.
Ky qark ka 11 mandate gjithsej, katër vite më parë PS mori 6 mandate, PD 4 dhe LSI 1. Këto shifra tregojnë se gara do të jetë tejet e fortë, pasi edhe në vitin 2013 ka qenë i njëjti rezultat, por se ka pasur një mandat më shumë, ku PS kishte 6, PD 5 dhe LSI 1. Ky qark pritet të shihet nëse do të dhurojë të njëjtën rezultat, apo PD do të dhurojë ndonjë rezultat tjetër.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Rama#TopChannel
