Тоолор

Сөзү: А.Кадыровдуку
Обону: А.Атабаевдики

Ар тараптан куюлуп күүлөр акты,
Ашыгамын теминип чабдар атты.
Сенин сүйкүм элесиң бажырайып,
бажырайып,
Чапкан атка жеткирбей бара жатты,
бара жатты.
Тоолор, тоолор, тоолор,
Чапкан атка жеткирбей бара жатты,
бара жатты.
Сенин күлкүң жаңырса кулагыма, кулагыма,
Окшоп кетет ал тоонун булагына.
Жүз көрүшпөй жаш жүрөк жай алабы,
жай алабы,
Жайлоодогу жан сүйгөн ынагыма,
жан сүйгөн ынагыма.
Тоолор, тоолор, тоолор,
Жайлоодогу жан сүйгөн ынагыма,
жан сүйгөн ынагыма.

Тоолор, тоолор тоо койнунда ойноп өскөн,
чыкпайт эстен,
Билим улап алыстап сенден кеткем.
Азыр өзүң сүйүүмө күбө болчу, күбө болчу,
Ашыгымды жыттайын, жыттайын сылап
беттен.
Тоолор, тоолор, тоолор
Ашыгымды жыттайын, жыттайын сылап
беттен.

Он сегиз жаш

Сөзү: К.Бакашовдуку
Обону: А.Атабаевдики

Он сегиз жаш,
Тоодо тунук булак белең,
Болбосо андан учкан бубак белең.
Кайрылбай кайда кеттиң айчы деги,
Адашып айлыңды мен сурап келем.

Он сегиз жаш,
Жайдын жарык таңы белең,
Болбосо боз туйгундун шаңы белең,
Бир жолу кайрылгыстай тамшандырган,
Жылт эткен жаштыгымдын шамы белең?

Он сегиз жаш,
Күндө беле сенин серең,
Болбосо жүрөгүмдүн теңи белең.
Кош эми өкүнсөм да унутпаймын,
Өткөргөн өмүрүмдү сени менен.

свернуть