Елде қоғамдық көлікті жүргізетін маман табылмай жатыр. Дәл қазір республикада үш мыңнан астам автобус жүргізушісі жеткіліксіз екен. Әсіресе үлкен қалаларда бұл өткір мәселеге айналған. Ал автопарк басшылары, Д санаттағы жүргізуші куәлігінің қолжетімсіздігі қиындық тудырып отырғанын айтады. Яғни, қоғамдық көлік жүргізушісіне заң талабы күшті.
Алматы - қоғамдық көлік жүргізушілері тапшы қалалардың бірі. Үлкен мегополисте екі мыңнан аса автобус жүргізушісі жолаушылар тасып жүргенімен, шамамен екі миллионнан аса халқы бар Алматы үшін мұның өзі аздық етеді.
Дәл осындай жағдай Қарағандыда да бар. Облыс орталығына ғана екі жүзге жуық жүргізуші керек. Тіпті маман жетіспеушілігінен автопаркте екі жүз автобус бос тұр. Ал бұл бос орынға сұраныстың болмауының бірнеше себебі бар екен.
ТЕМІРЛАН ТАЛДЫБАЕВ, Қарағанды қаласының коммуналдық шаруашылық жолаушылар көлігі және автомобиль жолдар ы бөлімінің бас маманы:
– Жүргізуші жұмысының ауырлығы да жол жағдайына байланысты. Қазіргі таңда орта есеппен бір жүргізушінің жұмыс күні он, он екі сағаттан құрайды. Соған да байланысты.
Ал Ақтөбенің шенеуніктері қоғамдық көлік пен жүргізуші мәселесін жүйелі түрде шешуге тырысқанымен, нәтиже қуантарлық емес. Өйткені қазірдің өзінде бағыттарды толық қамту үшін қалаға кемінде әлі 150 автобус жетіспейді. Ал оған категория алу қиындығы себеп екен.
Елдегі жүргізуші тапшылығының басты факторы көп жүргузішіде Д санатының болмауы.Жол жүргізу заңының 74-бабы, екінші тармағына сәйкес, елдегі автобус жүргізушілері міндетті түрде Д санаты болу қажет. Оның өзі 25 жасқа толған, кемінде бес жыл жүргізуші өтілі бар адам автобусты жүргізуге құқылы.
РУСТАМ ЖҮРСІНОВ, Қазақстан кәсіпкерлерінің құқықтарын қорғау жөніндегі уәкіл:
– Ел бойынша кадр тапшылығы өзекті болып тұр. Бұрында он сегіз жасқа толған адам автобусты жүргізе беретін. Қазір жүйе өзгерді. Д категорияны тек 25 жаста ғана ала алады. Екіншіден автобустағы жүргізушілердің көбі зейнет жасқа келіп қалғандар, олар үшін бұл ауыр жүктеме. Соңғы жиырма бес жылда жүктеме 5 есе көбейді. Содан шыдай алмай кетіп қалады.
Қазақстан кәсіпкерлерінің құқықтарын қорғау жөніндегі уәкілдігі жол жүргізу заңнына өзгерістер енгізуге ұсыныстар жіберген. Яғни ондағы Д категорияны әр азаматтың алу жолдарын жеңілдетуді қарастыруын сұраған. Қазір жоба әзірленіп жатыр екен.
Диана Сапарқызы, Жанар Қожанова



Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31

#автобус #жүргізушілер #еңбек_кз

свернуть