Shejkh Ubejd bin Abdilah el-Xhabirij
Përktheu: Valdet Gashi
www.perlatmuslimane.com
Pyetje: A lejohet që femra me menstruacione të lexojë Kuran?
Përgjigje: Së pari themi: nuk ka asnjë problem që ajo të lexojë Kuran përmendësh.
Problemi është që ajo të lexojë Kuran nga Mus’hafi. Në lidhje me këtë ka kundërshtime në mesin e dijetarëve. Disa prej tyre e ndaluan këtë, përveç nëse nuk preket Mus’hafi me dorë por nëpërmjet të ndonjë lecke apo diçkaje tjetër.
Mendimi i saktë është se lejohet për femrën me menstruacione që të lexojë Kuran nga Mus’hafi sepse trupi i saj është i pastër, ndërsa ndyrësira gjatë kësaj periudhe kohore është në një vend të caktuar të trupit.
I dërguari i Allahut ﷺ ka thënë:
“Vërtet, muslimani nuk bëhet i papastër”
Hadithi i plotë është:
Ebu Hurejra ka thënë: “Më takoi i dërguari i Allahut ndërsa isha xhunub, më kapi për dore dhe eca me të derisa ai u ul. Fshehurazi u largova nga ai dhe shkova në shtëpi dhe u lava. Pastaj u ktheva te ai dhe e gjeta të ulur.”
Më pyeti: “Ku ishe o Ebu Hir?”
I thash: “Isha xhunub dhe e urreva që të ulem me ty duke qenë i papastër.”
Më tha: “Subhan Allah! O Ebu Hir, Vërtet, muslimani nuk bëhet i papastër.”
Transmeton Bukhari 285 dhe Muslimi 371.
