Autores: Emiliano R. Fernández - Mauricio Cardozo Ocampo.
*Audio proveído por Daniel Torales.
"Nde juru mbyte parral ajúicha he'ê asýva
ma'erâ voípa aipo eiretére ñambojoja
hykueremínte che korasôme remondykýva
ha upe guivénte âkâvaípe kóicha apyta.
Che angaiparânte nipo ra'e ako pyharépe
jerokyhápe ñasaindymíme jajesape
aikohaguâma upe guivénte opa che képe
che paypeguáicha nde jurumírente ajerure.
Nde juru mbyte rosa potypénte ojoguaitéva
iñakynguépe omboguepáva juhéi asy
ha hyakuâmíme che mba'asygui che moingovéva
aiko haguâ ko mundo porâpe avy'a jevy.
Toime oñe'êva, toime ipochýva: che ja ha'éma
nde rakykuéri añehundíta kuñataî
aña retâme achyryrýne che akâme oikéva
chéko amuñáta he'ê mbochýva nde jurumi.
Nde juru mbyte che mborayhúpe ohaitypóva
kóina araháta ko che rembére ijeírakue
ovy'aiténe hese okambúva ambue yvypóra
ha ambyasymíva nachemba'éita araka'eve.
Ha ahakuévo ku mombyryma che rekoháre
kóina araháta che angapýpe he'ênguémi
ne ryakuângue katu ikurusúta ko che syváre
jepéro nde ja nderesaráimane chehegui".
