Մովսես Խորենացու (մոտ. 410 - մոտ. 490 թթ.) «Անթառամ ծաղիկ» շարականն է՝ նվիրված Աստվածամորը: Երգում է Իզաբել Բայրակդարյանը: Շարականը տարվա մեջ երգվում է երկու անգամ` Սուրբ Ծննդյան հինգերորդ օրը և Վերափոխման տոնին` որպես Ճաշու շարական:
Սուրբ Ծննդյան հինգերորդ օրը հիշատակվում է Ավետման, Ծննդյան և Մկրտության տոները, Տեառնընդառաջի և Սուրբ Աստվածածնի վերափոխման տոները: Ինչպես տեսնում ենք, այս բոլոր դրվագներում գործուն դեր ունի հենց Տիրամայրը:
Շարականագիր Խորենացին, միմյանց հյուսելով Սուրբ Կույսին գովաբանող խոսքերն ու գեղեցիկ մեղեդին, նրան համեմատում է անթառամ ծաղկի հետ, որը ժամանակի ընթացքում երբեք չի խամրում ու թոշնում: Նա ոչ մի մեղքի համար չդատապարտված շառավիղ է, որի արմատն ընձյուղվել է Եսայու մարգարեության գրքից. չէ՞ որ մեծ մարգարեն Քրիստոսի ծննդից դեռ 700 տարի առաջ կանխատեսել էր, որ «ահա կույսը պիտի հղիանա ու որդի ծնի, և նրա անունը պիտի լինի Էմանուել» (Ես. 7, 14), որը նշանակում է «Աստված մեզ հետ»:
Armenian spiritual song "Antaram tsaghik" by Movses Khorenatsi (V century) dedicated to Our Lady. Sings Isabel Bayrakdarian.
Երգի խոսքերը՝
Անթառամ ծաղիկ,
Անդատապարտ շառաւիղ.
Վերաբուսեալ յարմատոյն յԵսեայ.
զՔեզ Եսայիաս կանխաւ վերագոչեաց
Եօթնարփեան շնորհաց հոգւոյն ընդունարան գոլ`
Աստուածածին եւ կոյս. զքեզ մեծացուցանեմք:
![](https://i.ytimg.com/vi/ug-kbfVTawU/maxresdefault.jpg)