Assalom-u alaykum!
Bugun sizlarga yurakning sekin urishi, ya'ni – bradikardiya haqida so'zlab beraman.
Normada sog'lom insonda yurak 1 minutda 60 tadan 90 tagacha qisqaradi.
Agarda yurak qisqarishlar soni 60 tadan kamayib ketadigan bo'lsa, biz bunga bradikardiya deymiz.
Hamma yuragi sekin uradigan insonlar ham kasal hisoblanmaydi. Ba'zi birlarida norma hisoblanadi, ba'zi birlarida kasallik hisoblanadi. Ya'ni 2 turdagi bradikardiya farqlanadi:
1) Fiziologik bradikardiya
2) Patologik bradikardiya
Fiziologik bradikardiya kimlarda uchraydi?
Fiziologik bradikardiya tufayli ba'zi chaqaloqlar yuragi sekin urib tug'iladi. Ular hech qanday davolashga muhtoj emas. Ularning jismoniy va aqliy rivojlanishi boshqalardan qolib ketmaydi. Ular darslarni o'z vaqtida o'zlashtiradi va kerak bo'lsa bemalol futbol o'ynab gol uradi. Bundan tashqari ba'zi bir professional suzuvchilarda, futbolchilarda yurak urishlar soni kam bo'ladi, chunki ular tanasini juda ham chiniqtirgan bo'ladi. Ular bir necha ming kmdagi okean tubiga sho'ng'ib tadqiqotlar olib boradi, 90-100 minut davomida intensiv ravishda futbol maydonida futbol o'ynaydi. Buning natijasida ularda yurak qisqarishlar soni tabiiy ravishda kam bo'ladi.
Bu tipdagi insonlarni hech qanday davolash kerak emas. Ya'ni ularda fiziologik bradikardiya uchraydi.
Ikkinchi turdagi insonlar – Patologik bradikardiya.
Ko'pchilik insonlarda yurak qisqarishlar soni normada bo'ladi va birdaniga pasayib ketadigan bo'lsa bu Patologik Brodikardiya deyiladi.
Bu qachon sodir bo'ladi?
Bu – yoshi katta odamlarda miokard infarktidan so'ng, turli xil yallig'lanish, ya'ni miokardit kasalligidan so'ng, ma'lum bir kimyoviy moddalardan zaxarlanish tufayli yoki surunkali buyrak yetishmovchiligiga ega bemorlarda yurak qisqarishlar soni birdaniga kamayib ketadi va ularga zudlik bilan yordam berish, ya'ni ularni turli-tuman yo'llar bilan yurak qisqarishlar sonini oshirish talab etiladi. Yurak qisqarishlar sonini oshirish haqida keyingi videolarimizda batafsil to'xtalib o'tamiz. Ya'ni bradikardiyani tashxislash va davolash haqida keyingi videoyimizda gapirib o'tamiz. Bizni kuzatishda davom eting, sog'-salomat bo'ling!
