13-ամյա աղջիկը վերջերս տղա է ունեցել։ Երեխան հիվանդանոցում է մնացել՝ բժիշկների հսկողության տակ։ Իսկ փոքրիկ մայրիկը, նրա քույրն ու ծնողները ապրում են սարսափելի պայմաններում։

Սա ծանր սոցիալական ֆիլմի սցենար չէ, սա իրականություն է։

Եվ ամեն բան այնքան ցավալի է, որ պատկերացնելն անգամ դժվար է։

Մի քանի ամիս առաջ Հայաստանը ցնցել էր նորությունը 13-ամյա աղջկա հղիության մասին։ Երեխայի հայրը աղջկա համադասարանցիներից մեկն է, ով նրա հետ սեռական կապի մեջ էր մտել հենց դասարանում՝ դասերից հետո։

Իսկ օրեր առաջ աղջկա երեխան ծնվել է։ Մոր տարիքով պայմանավորված՝ ծննդաբերությունը ծանր է եղել։ Բժիշկները կեսարյան հատման են գնացել։ Տղան ծնվել է 2,6 կգ քաշով։ Նրան կոչել են ծնունդն ընդունած բժիշկի անունով։ Չափազանց ծանր պայմաններում են ապրում։ Հազիվ են ծայրը ծայրին հասցնում։ Հետևաբար, այնքան էլ հասկանալի չէ՝ լավ է, թե վատ, որ երեխան հիվանդանոցում է մնացել։

Դատաքննությունը ցույց կտա, թե տղաներից ով է երեխայի հայրը։

Մենք հանդիպել ենք աղջկա հետ և զրուցել նրա հետ։ Պարզվել է, որ այսօր նրա ծննդյան օրն է՝ նրա և զույգ քրոջ։ Հարցին, թե ինչ նվեր է ուզում ստանալ ծննդյան օրը, աղջիկն ասաց, որ ուզում է, որ որդին իր հետ լինի․․․

свернуть