Fax News zbardh detaje të reja nga dosja që ka SPAK në ngarkim të zyrtarëve në Ministrinë e Brendshme, të cilët dyshohen për tenderin korruptiv me vlerë 2.8 miliardë lekë për blerjen e uniformave për policinë e shtetit.
Në dosjen e SPAK thuhet se një prej anëtareve të Njësisë së Prokurimit, inxhinierja tekstile në Drejtorinë e Përgjithshme të Policisë së Shtetit, Aurora Mulla, nuk e ka firmosur tenderin, duke ngritur madje shqetësimin për abuzimin që po bëhej, por që sipas SPAK, “Ky shqetësim i saj për përcaktimin e sasive të pritshme të artikujve të uniformës është shfaqur tek anëtarët e tjerë të Njësisë së Prokurimit, por nuk është dokumentuar me ndonjë procesverbal konkret, përveç mosnënshkrimit të asaj të tabelave të mësipërme”.
Siç tregohet në dosjen e SPAK, zyrtarët e Ministrisë së Brendshme kanë ndryshuar sasinë e uniformave, që do të merrnin, por nuk kanë ndryshuar çmimin e tenderit prej 2.8 miliardë lekësh, duke shkelur hapur standardet e garës.
Një tjetër pikë problematike është fakti se në një nga tenderat thuhej se 35 milionë lekë do të shkonin për sistemin elektronik të shpërndarjes së uniformave, që nuk u realizua kurrë.
Ky lot i tenderit nënkuptonte që çdo punonjës policie të ishte i pajisur me një kartë që të mund të tërhiqte uniformën e tij, por asnjë prej efektivëve nuk e pati një të tillë, dhe paratë e caktuara në tender janë pervetësuar pa të drejtë nga ana e kompanisë.
Hetimet e SPAK nisën pasi katër prej kompanive që morën pjesë në tender patën ankesa në lidhje me dokumentet e kërkuara, që duket se i shkonin për shtat vetëm kompanisë që fitoi tenderin “D&E SHPK”. Po ashtu për këtë tender u dorëzua në SPAK dhe një kallëzim nga deputetë të opozitës parlamentare.#faxweb #faxnews #zgjohu
Follow Fax News Albania
Subscribe To Fax News on YouTube Channel HERE: [ Ссылка ]
For more content from click HERE: [ Ссылка ]
Like Fax News on Facebook HERE: [ Ссылка ]
Follow Fax News on Instagram Here: [ Ссылка ]
Për më shumë na ndiqni në: www.faxweb.al
![](https://s2.save4k.ru/pic/uo0qtD2iKTA/mqdefault.jpg)