Kamran M. YuniS səhifəsinə ABUNƏ OLUN!!!
Şamil Ənvəroğlu - Unutdura bilərsənmi
Bəstəkar - Cavanşir Quliyev
Unutdura bilərsənmi,
yaşadığım
ağrıları,
acıları?
Peşmançılığı yaşatmayacaq qədər yaxınım ola bilərsənmi?
Əridə bilərsənmi,
bumbuz dünyamın buz bağlamış ümidlərini?
Hər sabahkı günümün sevincinə səbəb ola bilərsənmi?
Tuta bilərsənmi əllərimdən,
qorxmadan,
çəkinmədən?
Hislərimin fırtınasını yaratmağa bir dəli rüzgar ola bilərsənmi?
Sevə bilərsənmi bu dəlini,
heç bir qarşılıq ummadan,
istəmədən?
qəlbimin yanğısını söndürəcək bir dərya eşq ola bilərsənmi?
Döyünə bilərsənmi köksümdə ÜRƏK yerinə?
Pıçıltılar...
Çırpınışlar...
Titrəyişlər...
Gecənin qaranlıq səmasında ulduzlarla yazılmış " SƏN MƏNİM HƏR KƏSİMSƏN" yazısını oxuda bilərsənmi?
Yaşada bilərsənmi bir təmiz sevgini,
yorulmadan,
bezmədən?
bu cəhənnəmdə nə qədər çətin olsa da,
mənimlə bir səssizliyi bölüşə bilərsənmi?
Və bütün istəkləri boş verib də,
bir-birimizin yanında olmağın xoşbəxtliyini yaşaya bilərsənmi?
Sevgi qoxan bir həyatın illərinin lap sonunda,
bir-birimizə sarılaraq ən dəhşətli ölümü də qarşılaya bilərsənmi?
Adımızı bu dünyanın bir küncünə qazıyaraq,
yaşadaraq,
sevdirərək,
bir azca da hər sevənin ürəyinə dağılaraq,
unudulmaz bir həqiqət nağılının obrazına dönərsənmi???
