Laçında təxribat törədərkən yaralanan erməni hərbçilərin vəziyyəti - BAKU TV
Ermənistan Müdafiə Nazirliyinin mətbuat xidməti ölkənin silahlı birləşmələrinin aprelin 11-də Azərbaycana qarşı törətdiyi növbəti təxribat nəticəsində yaralanmış 6 erməni hərbçinin vəziyyəti barədə açıqlama yayımlayıb.
Məlumatda bildirilib ki, hərbçilərdən 3-nün vəziyyəti son dərəcə ağır, qalan 3-nün vəziyyəti isə orta ağır qiymətləndirilir.
Qeyd edək ki, aprelin 11-i saat 16:20 radələrində Ermənistan Silahlı Qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Azərbaycan Ordusunun Laçın rayonu istiqamətindəki üzbəüz mövqelərini müxtəlif çaplı silahlardan istifadə etməklə atəşə tutub. Azərbaycan Ordusunun həyata keçirdiyi cavab tədbirləri nəticəsində 4 erməni hərbçisi məhv edilib.
Ermənistan tərəfinin təxribatının qarşısını alarkən Azərbaycan Ordusunun hərbi qulluqçuları – Zalov Vidadi Nizami oğlu, Həsənov Elşad Qabil oğlu və Tağıyev Səbuhi Gündüz oğlu şəhid olub.
[ Ссылка ]
[ Ссылка ]
[ Ссылка ]
[ Ссылка ]
[ Ссылка ]
Laçında təxribat törədərkən yaralanan erməni hərbçilərin vəziyyəti
© 2023 © All Rights Reserved ℗ Baku TV
#lacin #ermeni #texribat #qarabag #yaraliherbci #sehid
