Arkiva Lajme - Tv Klan 1999

Vazhdojnë veprimtaritë kombëtare të notit në qendrën sportive Tiranë. Kanë përfunduar garat e fëmijëve dhe të rinjve ku janë përmirësuar dhe dy rekorde kombëtare për moshat. Për fëmijë në 400 m nga Xhino Bregu i Partizanit dhe në 50m stil bretkos nga Arbër Gjata i Pogradecit.

Rezultatet përfundimtare për fëmijë janë këto: për djem në vendin e parë ekipi i Teutës, në vendin e dytë ekipi Butrinti dhe në vendin e tretë Qendra Sportive Tirana. Për vajzat Qendra Sportive Tirana në vendin e parë, në vendin e dytë Vllaznia, për të rinj ekipi i Teutës së Durrësit në vendin e parë, Pogradeci ne vendin e dytë dhe Butrinti në vendin e tretë.

Rekordmeni nga Pogradeci Arbër Gjata u shpreh se meritë për rekordin ka dhe trajneri i tij Todi Velo, i cili ka punuar shumë për të arritur deri këtu. Ndërsa Xhino Bregu i Partizanit u shpreh se megjithëse me një stërvitje jo shumë intensive ka arritur të thyej këtë rekord që do ta përmirësoj në të ardhmen./tvklan.al

свернуть