Ыйык курандын Фатх сүрөсүнүн акыркы аятынын баш жагында Улуу Төрт Халифага ишарат кылат!
«Мухаммад – Аллахтын элчиси! Аны менен бирге (сахаба) болгон кишилер каапырларга катуу-өктөм, бири-бирине боорукер! Сен аларды рукуу-сажда кылган абалында Аллахтан пазилет жана ыраазычылык сурап жаткандарын көрөсүң.» (Фатх сүрөсү 29-аят)
Бул аятта “Руку жана сажда”-кылган абалда деп, Аз. Али РАга ишарат кылууда.
Хайдар-ы Керар, Муртаза, Илимдин эшиги, Аллахтын Арстаны, Расулуллахтын абасынын уулу, анын күйөө баласы, Исламиятын тун перзенти, Ахли Бейтин атасы-Аз.Али. Бул сахаба тууралуу материал даярдоо ары жеңил, ары оор болоорун баштаарда эле сезгенбиз. Жеңил болчу; анткени сахабалар арасынан эң көп хадис ал жөнүндө риваят кылынгандыгынан, ал жөнүндө китеп-материалдар башка сахабаларга салыштырмалуу эң көп даярдалгандыгынан улам маалыматтарыбыз мол болчу. Андыктан Аз.Али жөнүндө эмнелерди айтсак, эмнени жазсак дегенде башыбыз маң боло түштү. Мындай инсандын өмүр таржымалын жарым саатык бир видео роликке сыйдыруу чындыгында абдан кыйын эле. Оор дедик, оорлугу да мына ушунда. Андыктан бул инсан тууралуу көп айтыла бербеген, ары кызыктуу, ары мазмундуу материал даярдоого далалат кылдык.
