Биз Курандан окуган, өткөн пайгамбарлардын жашоосунда кезиктирген “хаварийлик” макамы, жүз миңдеген сахабанын ичинен бир гана Зубейир бин Аввамга насип болгон. Бул боюнча Аллахтын Элчиси (сав) “Ар бир Пайгамбардын бир хаварийи бар, менин хаварийим – Зубейир бин Аввам!” деп айткан жайы бар. “Хаварий” сөзүн түз мааниде которгондо “жардамчы” маанисин туюнтат. Ал эми Олуя Челеби Хаварийликти; карапайым элдерге дос болуу, кыйтыр болбоо, кек сактабоо, жумшак мүнөздүү болуу деп сүрөттөйт. Бул сөздү Аз.Зубейирдин жашоосунан, мүнөзүнөн окуй турган болсок, Аллах жолундагы кызматта жардамчы болуу. Мына ушул жолдо “ким бар, ким жок экен?” деп жоктобостон, ар дайым “Мен” деп алдыга умтулуунун дал өзү хаварийлик. Жогоруда айтылган сыпаттарга арзырлык жашоо өткөргөн Зубейир бин Аввамдын жашоосунун өрнөктүү сабактарынан анда эмесе сиздер менен чогуу пайдаланабыз иншааллах...

свернуть