#oranews #intervista
Testimi pozitiv për Covid 19 i mjekut infeksionit Pëllumb Pipero tre ditë më parë, vetëm dy javë pasi kishte marrë dozën e parë të vaksinës, shkaktoi jo pak çudi te opinioni publik dhe vetë mjekët.
Mjeku shqiptar, Kida Sallabanda, thotë se në Spanjë nuk kanë pasur asnjë rast infeksioni në radhët e mjekëve të vaksinuar.
Por për Ora News, referuar studimeve, mjeku tregon se nuk përjashtohet infektimi i personave edhe pas dozës së dytë të vaksinës.
E vetmja gjë pozitive është se ata kalojnë një formë të lehtë të sëmundjes.
Sallabanda: Nuk kemi pasur raste të infektimit të mjekëve që kanë qenë të vaksinuar. Kanë pasur temperaturë dhe shqetësime sidomos pas dozës së dytë. Por doza e parë e vaksinimit nuk e përjashton që mund të infektohesh sepse sipas studimit që ka bërë Pfizer, pas dozës së parë arrin mbrojtje 50-70%, mbrojtja e plotë është pas dozës së dytë të vaksinimit.Sipas studimeve do të jenë forma më të lehta të infektimit.Por edhe nëse merr dozën e dytë të vaksinimit njerëzit mund të infektohen por e kalojnë në formë shumë të lehtë. Por ajo që është e rrezikshme është se kanë kapacitet të shpërndajnë sëmundjen.
Europa mbylli kufijtë pas alarmit të mutacioneve të reja të virusit. Mjeku shpjegon veçoritë e secilit prej tyre.
Sallabanda: Të dy mutacionet kanë karakteristikat e tyre. Mutacioni që vjen nga Britania e Madhe është 70-80% më infektues se virusi aktual që erdhi nga Kina, ndërsa virusi i Afrikës së Jugut përveçse është më infektues se virusi aktual, prek moshat më të reja. Në infektim virusi i Afrikës së Jugut dhe ai anglez janë më infektues se virusi që qarkullon në mënyrë masive në Europë dhe Shqipëri.Letalitetin e kanë njësoj por mortalitetin e kanë më të madh.
Furnizimi me vaksina nga kompanitë farmaceotike ka futur vendet në ngërç. Sallabanda thotë se ato po rendin drejt vendeve që kanë ofertën më të madhe.
Sallabanda: Firmat farmaceotike po luajnë me shifrat e blerjes dhe të shitjes. Nëse një shtet si Izraeli i jep dyfishin e parave për të njëjtën dozë atëherë këto janë të nxitura të shkojnë nga vende që paguajnë më tepër.
Së fundmi Federata e Mjekëve Shqiptarë në Europë i është drejtuar me një kërkesë presidentes së Komisionit Europian Ursula von der Leyen për pajisjen me vaksina të rajonit.
Mjeku Sallabanda thotë se BE duhet të korrigjojë gabimin shkencor dhe politik me Ballkanin Perëndimor.
Sallabanda: Nëse nuk i jepen vaksina Ballkanit Perëndimor atëherë mbeten një zonë e madhe e infektimit që do të prekë padyshim dhe pjesën tjetër të Europës. Ne i kërkojmë BE të korrigjojë këtë gabim jo vetëm shkencor por edhe politik.Një gabim që bazohet në egoizëm.
Duke komentuar marrjen e 975 dozave të vaksinës nga Shqipëria, Sallabanda shprehet.
Sallabanda: Bekuar qofshin ato vaksina. Duhet të ketë më transparencë në ardhjen e tyre, por bekuar qoftë ai që i ka sjellë.
Follow TV Ora dhe RTV Ora News
Subscribe To "Ora News" on YouTube Channel for NEWS HERE: [ Ссылка ]
Subscribe To "Ora News" on YouTube Channel for TV Shows HERE [ Ссылка ]
For more content from click HERE www.oranews.tv
Like Ora News on Facebook HERE [ Ссылка ]
Follow Ora News on Instagram Here [ Ссылка ]
Follow Ora News on Twitter [ Ссылка ]
