Президенттер екі ел экономикасындағы ахуалды, Еуразиялық экономикалық одақ аясындағы және екіжақты форматтағы ынтымақтастық мәселелерін талқылады. Сонымен қатар Ресей мен Украина қарым-қатынасының қазіргі жағдайы мен Минск уағдаластықтарын орындауды жалғастыру жайын қарастырды.
Тараптар Ресей-Түркия қарым-қатынасының нашарлауына қатысты да пікір алысты.
Владимир Путин ахуалды Түркия жағы күрделендіргенін қайталап айтты және жағдайды түзеуге Түркия қадам жасауға тиістігін алға тартты.
Нұрсұлтан Назарбаев пен Владимир Путин Қазақстан мен Ресейдің екіжақты қарым-қатынасы қазіргідей күрделі жағдайда сенімге, дәстүрлі достық пен тату көршілестікке негізделетінін айтты.
Сондай-ақ екі мемлекеттің басшылары 2016 жылы Шанхай ынтымақтастық ұйымы, Еуразиялық экономикалық одақ, Өңіраралық ынтымақтастық форумы және басқа құрылымдар аясында өтетін кездесулер кестесін талқылады.
