Səsli quran əl-Muminun - Möminlər surəsi Azərbaycan dilində tərcüməsi.
"Möminlər" surəsi, 118 ayə, Məkkədə nazil olub.
Mərhəmətli və Rəhmli Allahın adı ilə!
Azərbaycanca tərcüməsi:
97. De: "Ey Rəbbim! Şeytanların vəsvəsələrindən Sənə sığınıram!
98. Onların mənə yaxınlaşmalarından Sənə sığınıram, ey Rəbbim!"
99. Nəhayət, onlardan birinə ölüm gəldiyi zaman deyər: "Ey Rəbbim! Məni geri qaytar.
100. Bəlkə, tərk etdiyim yaxşı əməlləri indi edəm". Xeyr! Onun bu dedikləri ancaq boş bir sözdür. Onların arxasında diriləcəkləri günə qədər bərzəx vardır.
101. Sur üfürüləcəyi gün onların aralarında qohumluq əlaqəsi olmayacaq və onlar bir-birindən hal-əhval tutmayacaqlar.
102. O gün məhz tərəziləri ağır gələnlər nicat tapacaqlar.
103. Tərəziləri yüngül gələnlər isə özlərini ziyana uğradanlardır. Onlar Cəhənnəmdə əbədi qalacaqlar.
104. Od onların üzünü yandıracaq. Onlar orada qıc olmuş vəziyyətdə qalacaqlar.
105. Məgər Mənim ayələrim sizə oxunmurdumu, siz də onları yalan hesab etmirdinizmi?
106. Onlar deyəcəklər: "Ey Rəbbimiz! Bədbəxtliyimiz bizə üstün gəldi və biz doğru yoldan azan bir camaat olduq.
107. Ey Rəbbimiz! Bizi oradan çıxart! Əgər bir də günah işlərə qayıtsaq, həqiqətən də, zalım olarıq".
108. Allah buyuracaq: "Orada alçalmış vəziyyətdə qalın və Mənə heç nə deməyin!
109. Həqiqətən, qullarımdan bir zümrə var idi ki, onlar: "Ey Rəbbimiz! Biz iman gətirdik. Bizi bağışla, bizə rəhm et! Sən rəhm edənlərin ən yaxşısısan!"– deyirdilər.
110. Siz isə onları məsxərəyə qoyurdunuz. Sonda bu məsxərə Məni yada salmağı belə sizə unutdurdu. Siz onlara gülürdünüz.
111. Bu gün Mən səbir etdiklərinə görə onları mükafatlandırdım. Şübhəsiz ki, uğur qazananlar da onlardır!"
112. Allah kafirlərdən: "Yer üzündə neçə il qaldınız?"– deyə soruşacaq.
113. Onlar: "Bir gün yaxud bir gündən də az qaldıq. Sən günləri sayanlardan soruş"– deyəcəklər.
114. Allah deyəcək: "Siz orada çox az qaldınız. Kaş bunu biləydiniz!
115. Yoxsa elə hesab edirdiniz ki, sizi əbəs yerə yaratmışıq və siz heç vaxt Bizə qaytarılmayacaqsınız?"
116. Haqq Hökmdar Allah hər şeydən ucadır! Ondan başqa ibadətə layiq olan heç bir məbud yoxdur. O, şanlı Ərşin Rəbbidir.
117. Kim Allahla yanaşı, haqqında özünün heç bir dəlili olmadığı başqa bir məbuda ibadət edərsə, onun cəzasını Rəbbi Özü verəcəkdir. Şübhəsiz ki, kafirlər nicat tapmazlar!
118. De: "Ey Rəbbim, bağışla və rəhm et! Sən rəhm edənlərin ən yaxşısısan!"
Videonu paylaş: [ Ссылка ]
muminun surəsi tərcümə ilə, quran dinlə muminun surəsi, mu'minun surəsi, əl muminun surəsi, muminun surəsi azərbaycan dilində, quran azərbaycan dilində, quran sureleri, möminlər surəsi tərcüməsi, azerbaycan dilinde, muminun surəsi dinlə, sesli quran, muminun suresi, muminun suresi azerbaycanca, quran azərbaycan, ən gözəl quran qiraəti, əl-muminun surəsi, muminun, islam dini,
