Demokratët kërkuan me ngulm prezencën e Kryeministrit, dhe përgjigje për pyetjet rreth Arben Ahmetajt.
“Ai zotëria që nxin aty me mungesën e tij, ai duhet të vijë sot në Parlament. Sot mbyllet Parlamenti, mbyllet me faqe të zezë për shkak të tij. Prandaj të vijë këtu të dalë para shqiptarëve.”
Për orë të tëra, deputetët demokratë këmbëngulën që në rendin e ditës të përfshihej diskutimi për çështjen e inceneratorëve.
“Po ju them sfidoj ju qeverinë, maxhorancën nëse inceneratori i Elbasanit punon pas datës 14 maj, jap dorëheqjen.”
“Mos e digj mandatin kot sepse, ose të paktën digje nesër ku do të digjen edhe 90 ton mbetje në impiantin e trajtimit të mbetjeve në Elbasan.”
E teksa tonet e debatit në seancë vijonin me të njëjtin intensitet, jashtë Kuvendit studentët e mjekësisë shfrytëzuan mundësinë e fundit për tu kërkuar deputetëve të mos jepnin votën pro, ndaj ligjit që i vendos ata para detyrimit për të qëndruar deri në 5 vite në Shqipëri.
Mes çështjes së nxehtë të inceneratorëve dhe studentëve të mjekësisë, në seancën e fundit plenare, deputetët gjetën kohë të debatonin edhe për punonjësit e gardës.
“Dua t'i bëj thirrje punonjësve të nderuar të Gardës që bëjnë punën e tyre dhe për këtë i respektojmë dhe i falenderojmë, të largohen nga foltorja sepse ne nuk kemi frikë nga ata që kanë frikë nga vetja e tyre.”
“Nëse kanë respekt për Gardën sot të mos fusnin pesë ligje në renditje shtesë për kanabisin, marrjen peng të studentëve e me rradhe, hajde fusim një renditje tu dyfishojmë rrogën punonjësve të Gardës. Meqënëse keni respekt ju për Gardën, hajdeni ta fusim sot.”
Këto diskutime prekën më së shumti Denis Deliun, deputetin socialist me një karrierë ushtarake.
“Do të kërkoja nga të gjithë kolegët deputet ta vlerësoni punën e Gardës dhe ta respektoni pasi Garda është e detyruar të na mbrojë ne.”
Në kulmin e debatit, këto pamje nuk u pëlqyen aspak deputetëve demokratë.
“Ai shëtit me makinë, ju këtu në vapë ju ka lënë roje të interesave të tij kriminale, klienteliste.”
Pa votën e opozitës, parlamenti futi në rendin e ditës ligjin për Akademinë e Shkencave, që i zgjat mandatin Skënder Gjinushit, dhe rrëzuan dy kërkesat për interpelancë dhe mocion me debat. Vetëm pas 3 orësh diskutime, seanca plenare mundi t’i rikthehet rrjedhës normale.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
