AGAPE TOUCH OF GLORY HEALTH CARE PROGRAM, INC AT PHO- NE MATAGUMPAY NA NAGSAGAWA NG MEDICAL AT DENTAL MISSION
Gina Magsanoc
Matagumpay na naisagawa ang Medical at Dental mission ng Agape Touch of Glory Health Care Program Inc. sa pakikipagtulungan ng Provincial Health Office sa Barangay Mabini, Llanera, Nueva Ecija nitong Marso 21, 2024.
Nagsimula ang programa sa pamamagitan ng panalangin para sa lahat ng dumalo at nagsagawa din ng pagbabahagi ng salita ng Diyos si Ptr Rolando Padolina, Senior Pastor ng JOSHUA church.
Bago sumalang sa pagpapakonsulta at pagpapabunot ng ngipin ay dumaan din ang mga pasyente sa counseling kung saan ay isa-isa silang ipinanalangin ng mga Pastor at church workers.
Ayon kay Jaquiline Limos, Founding Chairwoman ng Agape Touch of Glory Health Care Program Inc., ang kanilang samahan ay binubuo ng mga pastor at church workers. At ito ay isang ministry na itinayo upang makatulong sa mga higit na nangangailangan.
Nasa 82 pasyente ang nakapagpakonsulta at nabigyan ng gamot. Sa dental naman ay nasa 65 katao ang nabunutan ng ngipin.
Pinasalamatan naman ni Jaquiline Limos ang kanilang mga nakatuwang upang maging matagumpay ang nasabing gawain.
Nagpaabot din ito ng labis na pasasalamat kay Gov Oyie Umali na ipinadala ang dental team ng PHO at gayundin ang Kitchen on Wheels na nagpakain ng sopas sa mga dumalo. #####
![](https://s2.save4k.ru/pic/vILKlYYX4QM/maxresdefault.jpg)