Lajme Arkiva - TV Klan 2004
Kanë nisur punimet për rehabilitimin e një tjetër rruge problematike në kryeqytet. Segmenti i rrugës së “Dibrës”, nga Farmacia nr.10 deri në rrugën “Aleksandër Moisiu”, do të rehabilitohet dhe zgjerohet me fondet e bashkisë së Tiranës. Kjo rrugë, e njohur ndryshe si rruga e spitalit, parashikohet të bëhet me tre korsi, ku një korsi e veçantë është menduar të lihet vetëm për kalimin e ambulancave dhe autobusëve.
Edi Rama: “Ky është kantieri i dytë që hapim këtë vit, i cili do të çlirojë përfundimisht, këtë aks shumë të rënduar dhe njëkohësisht do t’i japi akses të lirë në një korsi të veçantë spitalit, në mënyrë që të gjitha urgjencat të mos ndeshin pengesa në trafik. Duke vazhduar kësisojë nëpërmjet këtij aksi, të ecim me filozofinë tonë të punës dhe vetëm të punës”.
Punimet janë parashikuar të shtrihen në rrjetin e ujësjellësit, i ndërtuar që në vitin 1930 dhe i dëmtuar totalisht nga ndërtimet e shumta të kryera vitet e fundit. Gjithashtu është parashikuar dhe shtrirja e një rrjeti të ri ndriçimi. Vlera e këtij objekti përllogaritet të shkojë në rreth 177 milion lekë./tvklan.al
Gazetare: Elja Zotka
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
