Мәжіліс депутаттарының Елбасы мен халыққа жолдаған Үндеуін қоғамдық бірлестік пен үкіметтік емес ұйым өкілдері де қолдап отыр.
Мәселен, «Нұр Отан» партиясының «Жас Отан» жастар қанаты жаһандық дағдарысты абыроймен еңсеру үшін, барлық күш-жігерді 5 институттық реформаны іске асырып, «100 нақты қадам» Ұлт жоспарын орындауға жұмсау маңызды деген пікір білдірді.
Қазақстан Жазушылар одағының мәлімдемесінде: Қазіргі жауапты сәтте халқымыздың бірлігі нығая түссе, дағдарысқа қарсы бағдарламаларды сәтті жүзеге асыра алатынымыз анық делінген.
Қазақстан халқы Ассамблеясы. «Осы арқылы экономикамыз өрістеп, халықтың тұрмыс жағдайының да жақсаратындығына көз жеткізетін боламыз», – дейді.
Ал Қазақстанның Азаматтық Альянсы: «Депутаттардың бұл бастамасы барлық саяси партиялар үшін дағдарысты еңсеруге бағытталған реформаларға атсалысуға жаңа мүмкіндіктер береді», – деген пікірін алға тартты.
Ұлттық Тұтынушылар лигасы болса: «Биліктің заң шығарушы тармағына қатысты бұл бастама өте орынды және заман талаптарына сай», – деп есептейміз деп жазады.
