اشــتقنا ع لبنان يابا وع اخبار الضيعة و أهلها
وع بسمة لبنان يابا وترحيبة أهلا و ســـهلا
وشربة من النبع الصافي وغفوة تحت الصفصافة
وحــلوة تقول لك عوافي بــــاب القلب بيفتح لها
اشـــــتقنا ع لبنان يابا وع مشــواير القمرية
وع العرس بلبنان يابا وع الدبكة بالسهرية
ونغني ع الدلعونة لعيون اللي بيحبونا
حتى يطلوا يلاقونا بألف حكاية وغنية
وتلال خضرا موشحة بغيوم
وواقفة براج مقابيل براج
وع كل تلة من العطايا كروم
يغمر حلاها دراج فوق دراج
ودوالي عــــيد وزينة تــــفرح قلب الحزينة
شقرا وحمرا عناقيدها بتضوي متل الشعنينة
شــقرا وحمرا عناقيدها فــرحة صبية بعيدها
بتشرب كاسك من ايدها وبتقول لها بعد اسقني
اشتقنا ع لبنان نسرح بين مروجه وحقلاته
وشقّيق النعمان يجرح قلب الورد ببسماته
وزهر الوّزان هدية من الجنة الربانية
نـــزلت رقة وحنية ع لبنان ونســمات
![](https://i.ytimg.com/vi/vZ76bnvvjco/maxresdefault.jpg)